Շիրակի մարզպետ Արարատ Գոմցյանը՝ ի տարբերություն որոշ այլ մարզպետների, բավական քաջ է ու խիզախ։ Մեր այն հարցին, թե դատախազությունից իրեն չե՞ն այցելել՝ ստուգումներ անցկացնելու նպատակով եւ, առհասարակ, ինքը իր ո՞ր կարգավիճակին է կողմնակից՝ մարզպետ լինելո՞ւ, թե՞ չլինելու, ասաց.
– Էդ հարցն՝ ուղղված Շիրակի մարզպետ Գոմցյանին՝ կմնաք, թե ոչ, սխալ հարց է։ Շիրակի մարզպետն՝ ընդհանրապես եւ Գոմցյանը՝ մասնավորապես, միշտ կա, որովհետեւ նա աշխատում է մի ոճով, որի վերջին 9-10 տարում, ցավոք, սայլի անիվները քառակուսի են, բայց ինքն այդ սայլը տանում է առաջ։ Էս՝ մեկ։ Հետո՝ մնացած հարցերում, կյանքը ցույց կտա. կապրենք՝ կտեսնենք։ Բայց ես ասում եմ այսպես՝ կաշխատենք՝ կտեսնենք։
Նյութում ոճական սխալներ չկան։ Պարզապես պրն Գոմցյանը նախընտրում է իր մասին երրորդ դեմքով խոսել։
ՖԱԴԵՅ ՏԱՃԱՏԻՉԸ ԻՐԵՆ ՑՈՒՅՑ ՏԱԼ ՉԻ ՍԻՐՈՒՄ
Կարդացեք նաև
– Պրն Սարգսյան, գիտական (եւ ոչ միայն այդ) շրջանակներում զարմանում են, որ խորհրդարանում Ձեր ձայնը չի հնչում։ Մասնավորապես, «Գիտության եւ կրթության մասին» օրենքի քննարկումների ընթացքում ամբիոնից բառ չեք ասել։
– Ես ելույթ եմ ունեցել հանձնաժողովի նիստին։ Մենք մեր բոլոր առաջարկությունները գրավոր ներկայացրել էինք, դրանք բոլորն էլ ընդունվել են։
– Ինչո՞ւ ավելի ակտիվ չեք խորհրդարանի դահլիճում։
– Ես չեմ սիրում ավել խոսել. ասում եմ այն, ինչ պետք է։ Եթե մեր առաջարկություններն ընդունվել են, էլ ինչո՞ւ խոսեմ։ Ինձ ցույց տալ չեմ սիրում։
Լ. ԱՎԱԳՅԱՆ
