«Արմենիկումի» մասին ժողովրդի մեջ արդեն առասպելներ են սկսում պտտվել։ Դժվար է ասել, թե ներքոշարադրյալը որքանով է առասպել, այնուամենայնիվ, այն, ինչ լսեցինք, իսկապես հրաշքի էր նման։
Ըստ ոչ այնքան հավաստի տեղեկությունների, օրերս «Արմենիկումի» գործած հրաշքները ցուցադրելու համար մի մեծ խումբ գիտնականներ հրավիրվել են այն լաբորատորիան, որտեղ «Արմենիկումի» փորձարկումներն են կատարվում։ Նրանց ցույց են տրվել մի շարք փորձեր, որոնցից ամենահետաքրքիրն ու լայն մասսաների համար հասկանալին կատարվել է սովորական հավկիթի հետ։ Պատմում են, որ հավկիթը նախ եփվել է, այնուհետեւ ձվի դեղնուցի մեջ ներարկվել է «Արմենիկում», որից որոշ ժամանակ անց ձվի դեղնուցը ձեռք է բերել թարմ դեղնուցի բոլոր հատկությունները։
Ի՞նչ է սա նշանակում։ Մի՞թե, իրոք, «Արմենիկումը» կարողանում է վերակենդանացնել մահացած բջիջները։ Եթե իսկապես դա այդպես է, ապա այնպիսի անբուժելի հիվանդություն, ինչպիսին, ասենք, լյարդի ցիռոզն է՝ այսուհետ կարելի է համարել «թեթեւ» հիվանդություն «Արմենիկումի» համար։ Եվ եթե իսկապես մեզ հասած լուրը համապատասխանում է իրականությանը, ապա կարելի է ասել, որ իրականացավ բոլոր ժամանակների բոլոր հեքիմների, ալքիմիկոսների եւ բժիշկների երազանքը. գտնվել է «կյանքի էլիքսիրը»։ Այնպես որ, չպետք է զարմանանք, եթե շուտով Հայաստանը ողջ աշխարհի բժիշկների համար Մեքքա դառնա։
Գ. Ա.
