Խոսրով Հարությունյանն ԱԺ-ում երեկ հայտարարեց, որ «Արմենիա» հյուրանոցի աշխատակիցներին փաստաբան է առաջարկել, որ կարողանան աշխատանքային օրենսդրության շրջանակներում լուծել իրենց վիճահարույց խնդիրները հյուրանոցի սեփականատերերի հետ։ Սակայն կոլեկտիվը մերժել է այդ առաջարկը, քանի որ որոշ պատգամավորներ «նրանց հույս էին ներշնչել, որ օրենքով իրենց վերապահված 20% անհատույց սեփականաշնորհման իրավունքից դեռեւս օգտվելու հնարավորություն ունեն. մի բան, որ անիրականանալի է»։ ԱԺ նախագահը չտվեց այդ պատգամավորների անունները, սակայն Մկրտիչ Գիմիշյանը ինքնաբացահայտվեց։
ՄԵՐ ՌՈՒԶԱՆԸ
Ստեփանակերտի մամլո ակումբի նախագահ է ընտրվել «Առավոտի» եւ «ԼՂ Հանրապետություն» թերթերի թղթակցուհի Ռուզան Իշխանյանը։ Շնորհավորում ենք եւ բեղմնավոր աշխատանք ցանկանում։ Նա այդ դիրքում փոխարինել է Գեղամ Բաղդասարյանին։
Կարդացեք նաև
ԶՈՒՐ ԶԱՆԳԵՐ
ԱԺ պատգամավոր Վահագն Խաչատրյանն այն կարծիքին է, թե «Արմենիա» հեռուստաընկերության «Օրը» ծրագրի եթերում հնչող զանգերը սարքովի են։ Պատգամավորն այդպես է մտածում, քանի որ բազմիցս հաղորդումների ժամանակ փորձել է կապվել ստուդիայի հետ եւ միշտ՝ ապարդյուն։
ՄԱՇԻՆԵՆ ՉԵԿԱՎ, ՅԱՐՈ ՋԱՆ
«Առավոտը» Հանրապետական կուսակցության նախագահ Անդրանիկ Մարգարյանին դիմեց՝ պարզելու տարածված ասեկոսեների իսկությունը, թե Վազգեն Սարգսյանը նրա որդու հարսանիքին «Վոլգա» է նվիրել։ Անդրանիկ Մարգարյանի պատասխանն էր. «Տղայիս հարսանիքը հունվարի սկզբին էր։ Վազգեն Սարգսյանը ներկա էր, բայց ավտոմեքենա չի նվիրել»։
