Քաղաքականացված մուրացկան Գեւորգ Հրանտի Մելքոնյանը (ՀՀՇ-ի Գեւորիկը) պատրաստվում է իր թեկնածությունը դնել առաջիկա խորհրդարանական ընտրություններում։ «Ինքնակենսագրական եւ ծրագրահենքային» իր հայտում նա, մասնավորապես, նշում է, որ պատրաստվում է նպաստել ԱԺ ընտրությունների օրինականությանը (լեգիտիմիզացիային) եւ հրապարակայնությանը։ «Ծրագրահենքն» ավարտվում է հետեւյալ պնդումով. «Վստահեցնում եմ, որ իմ խոսքի եւ գործի ուժի մեջ դուք դեռ կհամոզվեք»։
Վատն այն է, որ տարիներ շարունակ նախորդ եւ ներկա իշխանավորներին զվարճացնող ու նրանցից փող հավաքող այս անմեղսունակ երիտասարդը իր մտավոր կարողություններով չի զիջում թեկնածուների հիմնական զանգվածին։
ՎԱՏ ԼՈՒՐ
Երեւանի դպրոցներից մեկում մի ուսուցչուհի (տվյալները խմբագրությունում են) ցածր դասարանի աշակերտներին քերականություն (անցյալ եւ ներկա ժամանակները) ուսուցանելիս նախադասությունների հետեւյալ օրինակներն է ներկայացրել. «Ես գիտեի, որ Վանո Սիրադեղյանը հանցագործ է», «Ես համոզված եմ, որ այդ հանցագործությունը կբացահայտվի»։
Կարդացեք նաև
Նախորդ ռեժիմի ապազգային, կոսմոպոլիտական կրթությանը վերջապես իր տեղը զիջեց ազգային գաղափարախոսության վրա հիմնված հայեցի դաստիարակությանը։ Ուստի, ավելացնենք ներկա ժամանակի մեր տարբերակը. «Մենք վստահ ենք, որ այդ ուսուցչուհուն կհաջողվի իր սաներից պատրաստել կատարյալ տականքներ»։
