Վանո Սիրադեղյանին Հայաստան բերելու հարցի վերաբերյալ բացատրություններ տալով «Առավոտին», ԱԺ իրավաբանական ծառայության ղեկավար Վլադիմիր Նազարյանն ասաց, թե խնդիրը կանոնակարգված չէ։ Անցյալում նման գործողությունների դիմելու կարիք չի եղել, ուստի օրենսդրությունը չի անդրադարձել խնդրին։ Այսօրվա օրենսդրությամբ, Վանո Սիրադեղյանը Հայաստան կարող է բերվել միայն դատարանի վճռի դեպքում։
ՀՀՇ-Ն ԵՎ ՀԱՆՁՆԱԺՈՂՈՎԸ
Երեկ կայացած ՀՀՇ վարչության նիստում վարչության փոխնախագահ Սեդրակ Հովհաննիսյանը տեղեկություն տվեց Ռոբերտ Քոչարյանին կից Սահմանադրական հանձնաժողովի աշխատանքների մասին։ Հիմնվելով Ս. Հովհաննիսյանի զեկույցի վրա, որոշվեց՝ նրան հանձնարարել դադարեցնել մասնակցությունը նշված հանձնաժողովի աշխատանքներին։
25000 ԱՆԴԱՄՈՎ
Կարդացեք նաև
Ինչպես «Առավոտին» հայտնեց Հայաստանի Ժողովրդական կուսակցության քաղաքական քարտուղար Հմայակ Հովհաննիսյանը, ՀԺԿ-ի՝ փետրվարի 27-ին գումարվելիք համագումարը տեղի կունենա Հայֆիլհարմոնիայի Մեծ դահլիճում։ ՀԺԿ-ն այսօր ունի 25000 անդամ։
ԹԱՆԿԱՐԺԵՔ ԽՈՐՀՈՒՐԴՆԵՐ
1994-ի հոկտեմբերի 22-ին Հայաստանի կառավարության տնտեսագիտական վարչությունը «Սկադեն» բրիտանական խորհրդատվական ֆիրմայի հետ կնքում է 857 հազար դոլարի արժեքով պայմանագիր։
Թե ինչ «բրիտանացի իրավաբաններ» են ստացել այդ գումարները՝ կարդացեք 11-րդ էջում։
