Նվեր Չախոյանին վիրավորել էր «Ջոկողություն ԱԺ-ում» իմ հոդվածը։ Պրն Չախոյանը գտնում է, որ այնտեղ իր մասին սխալ ինֆորմացիա է գրվել՝ իբր ինքը Դուբայում է։ Քանի որ հոդվածում այդ վարկածներն առաջադրել էին հենց մի քանի պատգամավորներ, ընդ որում՝ իբր հումորով, պրն Չախոյանին հորդորում ենք պարզապես գնահատել այդ հումորը։ Իսկ թե ճի՞շտ է, որ իր գործը կարճվել է եւ խորհրդարանի հնարավոր լուծարումից հետո, երբ վերանա պատգամավորական անձեռնմխելիությունը, նա որեւէ քայլ նախատեսո՞ւմ է անել, պատասխանեց. «Այն, որ պատգամավոր եմ, չի խոչընդոտել, որ ես դատարան գնալուց խուսափեմ։ Եթե դատարանում հարցեր կան, որոնց ես պիտի պատասխանեմ, պատրաստ եմ։ Ես Հայաստանում եմ եւ ոչ մի տեղ չեմ գնալու։ Մարմնիս մեջ դեռ արկի բեկորներ կան, իմ հողի համար այդքան կռվել եմ, որ հիմա թողնեմ գնա՞մ։ Իսկ ինչ վերաբերում է գործին, այն կարճված չէ»։
