Վերջնականապես ճշտվել է, թե երբ տեղի կունենա Կարեն Դեմիրճյանի գլխավորած Ժողովրդական կուսակցության համագումարը։ Ժողովրդականները որոշել են, որ համագումարն անցկացնելու ամենահարմար ժամանակը փետրվարի 27-ն է։
ԱՐԱ ՍԱՀԱԿՅԱՆԸ ՂԵԿԱՎԱՐ ԴԻՐՔՈՒՄ
Ինչպես «Առավոտին» հայտնեց ՀՀՇ վարչության փոխնախագահ Անդրանիկ Հովակիմյանը, Արա Սահակյանի կուսակցությունում վերականգնվելը նրան մեխանիկորեն ՀՀՇ վարչության անդամի իր լիազորությունները վերստանալու հնարավորություն է տվել։ Արա Սահակյանը հիմա ՀՀՇ վարչության անդամ է։
ՄԱՐԶՊԵՏԱՐԱՆԻՑ ՄԻՆՉԵՎ ՏԵԽՆԻԿՈՒՄ
Կարդացեք նաև
Արագածոտնի նախկին մարզպետ, ԱԺ պատգամավոր Հրաչ Գրիգորյանը նշանակվել է Երեւանի առեւտրատնտեսական տեխնիկումի տնօրեն։ Տեխնիկումը սովորաբար եղել է ընտրատեղամաս, ու թեպետ Հրաչ Գրիգորյանը «Երկրապահ» պատգամավորական խմբի անդամ է, սակայն, «Առավոտի» տվյալներով, «Երկրապահը» նրա նշանակման գործում որեւէ ազդեցություն չի ունեցել։
Սեփ. լր.
