Հասարակության մեջ, ինչպես նրա բարձր, այդպես էլ ցածր հարկերում, ժամանակ առ ժամանակ գայթակղություն է առաջանում դիմել կոշտ, վճռական քայլերի: Հոգեբանորեն դա հասկանալի է: Այնուամենայնիվ, պետք է հաշվի առնել. խարխուլ, ջրի վրա իրեն հազիվ պահող նավակում պետք չէ կտրուկ շարժումներ անել:
Զարմանալի նմանություն
Երկու հայտնի կուսակցություններ արդեն մեկ դար շարունակ պայքարում են իրար դեմ: Պայքարը մեկ թեժանում, մեկ հանդարտվում է, սակայն միշտ չափազանց սկզբունքային է: Սակայն այդ կուսակցությունները, ցավոք, չեն նկատում, թե որքան շատ է իրենց ընդհանրությունները. թե մեկը, թե մյուսը պայքարում է ժողովրդի միասնության համար, թե մեկը, թե մյուսը կոչ է անում համախմբվել հենց իր շուրջը:
Խաղից դուրս
Կարդացեք նաև
«Ում հետ եք դուք, մշակույթի վարպետներ»,- ժամանակին խիստ տոնով հարցնում էր հայտնի ռուս գրողը: Իսկ այսօր ո՞ւմ հետ են մեր հայ գրողները: Դժվար չէ տեսնել, որ նրանց մի մասը միանշանակ այս կամ այն կուսակցության խանդավառ երկրպագուն է: Բայց կան նաեւ բացառություններ. նրանք մերժում են կուսակցականության գաղափարն ընդհանրապես՝ մարդկանց բաժանումը մոլեռանդ եւ անհանդուրժողական աղանդների:
Լ.-Հ.ԱԲՐԱՀԱՄՅԱՆ
