Ռոբերտ Քոչարյանը Քաղաքական խորհրդում կուսակցությունների ներկայացուցիչների հետ հանդիպման ժամանակ անդրադառնալով Արծրուն Մարգարյանի սպանությանը, ասել է. «Սա նախորդ դեպքերից տարբերվում է։ Այստեղ հանգամանքներն ավելի պարզ են»։ Ռոբերտ Քոչարյանը հույս է հայտնել, որ գործը շուտով կբացահայտվի, իսկ հանրապետության դատախազությունն էլ հանդես կգա համապատասխան հայտարարությամբ։
ՈՉ ՀԱՍՏԱՏԵՑ, ՈՉ ԷԼ ԲԱՑԱՌԵՑ
«Ես չեմ կարող հաստատել կամ բացառել՝ ամերիկյան TWT-ի թիկունքում կան հայաստանցի բաժնետերեր, թե ոչ»,- զրույցի ընթացքում ասաց ՀՀ կապի նախարար Գ. Պողպատյանը։
Մանրամասները էջ 6։
ՑԼԱՄԱՐՏԻ ՕՐԵՆՔՆԵՐՈՎ
Խորհրդարանական օրը սկսվեց Էդվարդ Եգորյանի եւ Յուրի Բախշյանի լեզվակռվով՝ ավարտվեց Վահագն Խաչատրյանի եւ «Երկրապահների» ընդհարմամբ։ Հարկային տեսչության պետ Սմբատ Այվազյանը վարչապետի «թասիբն» էր պահում, ինչ է թե՝ Վահագն Խաչատրյանը համարձակվել էր նրա ելույթի առնչությամբ որոշ դիտողություններ անել։ «Ելույթ ունենայիր, ինչ ուզում էիր՝ ասեիր։ Վաղն էլ քո ելույթն ենք խանգարելու»,- ասում էր պրն Այվազյանը։ «Նպատակդ միայն ապակայունացնե՞լն է»,- սա էլ ՀՀԿ նախագահ Անդրանիկ Մարգարյանի դիտողությունն էր։ «Դուք ինձ իրավունք չունեք դիտողություն անել,- պատասխանեց Վահագն Խաչատրյանը։- Այդքան վարչապետին մի… բոլորիդ պաշտոն, մեկ է, չի տալու»։
Կարդացեք նաեւ 2-րդ էջում։
ՋՈՒՐՆ ԱՅՆ ԻՋԱՆԵՐ…
Վայոց ձորի մարզի Խաչիկ գյուղում երեկ բացվեց նոր ինքնահոս ջրագիծ, որը կբավարարի ջրովի հողերի, լավագույն դեպքում, 10 տոկոսի ոռոգումը։ Այս մասին առավել մանրամասն կարդացեք մեր վաղվա համարում։
