«Առավոտի» հարցին ի պատասխան, թե արդյոք գլխավոր դատախազի միջնորդության մեջ պարունակվող հիմնավորումները բավարա՞ր է համարում Վանո Սիրադեղյանին քրեական պատասխանատվության ենթարկելու եւ կալանավորելու համաձայնություն տալու համար՝ ԱԺ նախագահ Խոսրով Հարությունյանն ասաց. «Գիտեք, ինքս էլ դեռ հարցեր եմ տալիս ինքս ինձ եւ փորձում եմ այդ հարցերին պատասխանել։ Անհամեմատ ավելի մանրամասն ներկայացվեց այս անգամ գործը, քան Նվեր Չախոյանի դեպքում էր, բայց համաձայնեք, որ լրացուցիչ մտածելու, մտորելու տեղեր կան»։
ԽԱԲԿԱՆՔ
«ԱրմենՏելում» այդպիսի փաստաթուղթ չկա, որ րոպեավճարի վերաբերյալ հրամանն ուժը կորցրած, դադարեցված կամ սառեցված է,- «Առավոտին» հայտնեց ԱԺ պատգամավոր Վահագն Խաչատրյանը։ – Կառավարությունը մեր աչքերը փակելու համար է հակառակ պնդումներն անում»։
ՀԱՅԱՍՏԱՆԸ ԻՆՔՆԻՇԽԱՆ ԵՐԿԻՐ Է
Կարդացեք նաև
Շաբաթ օրը կայացած ՍԴ նիստում նախարար Վահրամ Ավանեսյանն ընդունեց, որ հունական OTE-ին կառավարության կողմից տրված արտոնագիրը գրվել է օտարերկրացիների կողմից: Այդ արտոնագրով OTE-ին, մասնավորապես, տրված էր «Հայաստանում վաստակած դրամը եւ դրանով Հայաստանում գնված գույքն ազատորեն արտահանելու իրավունք»: Նույն նիստում հայտնի դարձավ, որ մոտ մեկ տարի Երեւանի ֆիզիկայի ինստիտուտն օգտվում էր «Ինտերնետ» կապով, որն իրականացվում էր ՆԱՏՕ-ի գրանտով:
«ԱրմենՏելի» վերաբերյալ ՍԴ նիստի մասին կարդացեք 9-րդ էջում:
