Միջազգային լրատվական ծառայությունները հաղորդում են, որ Վրաստանը բանակցություններ է վարում 2001 թվականին իր տարածքում ՆԱՏՕ-ի ռազմաօդային զորավարժություններ անցկացնելու համար։ Վրացական կողմը մտադիր է ֆինանսավորման խնդիրներով բանակցել ԱՄՆ-ի հետ։ Իսկ Ադրբեջանի նախագահի պետական խորհրդական Վաֆա Գուլուզադեն հայտարարել է, որ նպատակահարմար է Թուրքիայում տեղակայված ամերիկյան «Ինջերլիք» ռազմակայանը տեղափոխել Ապշերոն եւ դիրքավորել Բաքվի մոտակայքում։
ՄԵԶ ՏԱՆՋՈՂ ՑԱՎԸ ՁԵԶ ԷԼ Է ՊԱՏԵԼ
Հեռախոսի րոպեավճարի թանկացման դեմ ցույցեր են տեղի ունենում նաեւ Լատվիայում՝ մասնավորապես Ռիգա եւ Դագուավպիլս քաղաքներում։ Լատիշները բողոքում են հեռախոսի աբոնենտային արժեքն ամսական 7 դոլար սահմանելու, ինչպես նաեւ՝ րոպեավճարի սակագինը բարձրացնելու դեմ։
ՀԱՎԱՆԱԿԱՆ ՆՈՐ ՆՇԱՆԱԿՈՒՄ
Կարդացեք նաև
Լիբանանում Հայաստանի դեսպանատան երկրորդ քարտուղարի (առաջինն Արման Նավասարդյանն է) պաշտոնի ամենահավանական թեկնածուն ՀՀ ԱԳՆ Մերձավոր Արեւելքի վարչության պետ Արման Հակոբյանն է։
ՄՈՍԿՎԱՅԻ ՀԵՏԸՆԹԱՑԸ
Ըստ Լոնդոնի հետազոտական հաստատություններից մեկի ուսումնասիրությունների, Մոսկվան այլեւս աշխարհի ամենաթանկ քաղաքներից չէ։ Եթե մինչեւ ռուսաստանյան ֆինանսական ճգնաժամը Մոսկվան աշխարհում թանկությամբ 10-րդ քաղաքն էր, ապա այսօր դիրքերը զգալիորեն զիջել է՝ հանգրվանելով 88-րդ տեղում։ Սեփ. լր.
