Ըստ «Առավոտ» հասած տեղեկությունների, արտգործնախարար Վարդան Օսկանյանի՝ մեծահարուստ Քըրք Քըրքորյանի հետ նախատեսած հանդիպումն անընդհատ հետաձգվում է։ Նույնիսկ տեղեկություններ կան, թե արտգործնախարարի համար երեք անգամ ինքնաթիռի տոմս է գնվել եւ երեք անգամ էլ այն հետ է վերադարձվել հանդիպման հետաձգման հետեւանքով։
ԳՈՒԼՈՒԶԱԴԵՆ ԶՐՊԱՐՏՈՒՄ Է
Ադրբեջանի նախագահի արտաքին քաղաքականության հարցերով պետական խորհրդական Վաֆա Գուլուզադեն վերջերս ադրբեջանական մամուլում տպագրված իր «Հայ-ադրբեջանական կոնֆլիկտը» հոդվածում սուր գնահատական է տվել Զորի Բալայանին, նրա մասին գրելով. «ՊԱԿ-ի հայտնի գործակալ»։
ԻՆՉՔԱՆ ԸՆՏՐՈՒԹՅՈՒՆՆԵՐԸ ՄՈՏԵՆՈՒՄ ԵՆ, ԱՅՆՔԱՆ…
Կարդացեք նաև
Հեռուստաընկերությունները շատանում են։ Արդեն իսկ դեցիմետրային ալիքով փորձնական եթերում են «Արգիշտի» եւ «Այգ» հեռուստաընկերությունները։ Դեռեւս հայտնի չէ, թե քաղաքական կամ այլ ինչ ուժեր են այս ձեռնարկների ետեւում։
«ՄԵԶ ՄԻԱՅՆ ԱՂՄԿԱՐԱՐ ԱՆՎԱՆԵՑԻՆ»
«Վահան Հովհաննիսյանին եւ մեր Արամ Սարգսյանին դիմել ենք ավիացիայի հետ կապված։ Տվել ենք կոնֆիդենցիալ բիզնես պլանը։ 8 ամիս առաջ ասել ենք, թե «Հայկական ավիաուղիներին» ինչ է սպասվում։ Խնդրել ենք նրանց (որովհետեւ ուրիշներին չենք ճանաչել). դրա դեմն առեք, բայց ոչ մի բան չեն արել»,- «Առավոտին» հայտնեց «Ռուսաստան-Բելառուս-Հայաստան» կազմակերպության նախագահ Աղասի Արշակյանը։
