Դատելով վերջին տեղեկատվությունից, ԱԺ առաջիկա ընտրությունները բավականին անզիջում եւ հետաքրքիր են լինելու։ Մերձավորների շրջապատում իրենց պատգամավոր դառնալու նպատակադրման մասին են հայտնել ենթակառուցվածքների բնագավառը տնօրինող նախարար Գագիկ Մարտիրոսյանը եւ Լոռվա մարզպետ Հենրիկ Քոչինյանը։
ԱՄԵՆԱԽԵԼԱՄԻՏ ԵՐԿՐԱՊԱՀԸ ԿԱՐՈՂ Է ԴԱՌՆԱԼ ԿԸՀ ՆԱԽԱԳԱՀ
Ըստ Ազգային ժողովում տարածվող լուրերի, արդեն իսկ նախատեսված է, թե ով է լինելու Կենտրոնական ընտրական հանձնաժողովի նախագահը։ Հավանաբար, այդ պաշտոնը կտրվի «Երկրապահ» պատգամավորական խմբի՝ ընտրական օրենսգրքի պատասխանատու Վիկտոր Դալլաքյանին։
ԱՂՄԿԱՀԱՐՈՒՅՑ ԳՈՐԾԻ ՆՈՐ ՇՐՋԱԴԱՐՁԸ
Կարդացեք նաև
Նոր դատակազմության գործընթացն ընդհատեց Մյասնիկյանի շրջանի ժողդատարանում 10 օր առաջ սկսված մի դատաքննություն, որն առնչվում է առեւտրի նախկին նախարար Տիգրան Գրիգորյանի՝ 1994 թվականի գարնանը մեծ աղմուկ հանած գործի հետ։ Հիշեցնենք, որ այն ժամանակ պրն Գրիգորյանը կաշառակերության մեղադրանքով ձերբակալվել էր ՆԳՆ-ի կողմից եւ շատ արագ ազատ արձակվել։ Դատավոր Է. Ավետիսյանը հավանաբար հունվարի 19-ին կվերսկսի դատակոչված վկաների ցուցմունքների ունկնդրումը։ Առայժմ հայտնի է, որ դատարան են ներկայացել 28 վկաներից 10-ը։ Գործով անցնում է մեկ տուժող։
