«Կարելի է Ռուսաստանի հետ նորմալ, շատ լավ, սերտ հարաբերությունների մեջ լինել եւ միաժամանակ չզբաղվել ստորագրահավաքներով՝ նպատակ ունենալով մտնել Ռուսաստանի գրպանը կամ որեւէ այլ անցք»,- երեկվա ասուլիսում հայտարարեց ՀՅԴ Հայաստանի ԳՄ ներկայացուցիչ Վահան Հովհաննիսյանը։
Կարդացեք նաեւ էջ 3:
ՔԽ-Ն ԷԼ ԿԿՊՆԻ «ԱՐՄԵՆՏԵԼԻՆ»
Ինչպես «Առավոտին» հաղորդեց ԳիԱրՔՄի-ի խորհրդի նախագահ Ալեքսանդր Աղամալյանը, Քաղաքական խորհրդի այսօր, հունվարի 14-ին տեղի ունենալիք նիստում ինքը ներկայացնելու է «ԱրմենՏելին» վերաբերող որոշման մի նախագիծ, որը պետք է ՀՀ Սահմանադրությանը հակասող այդ գործարքի վերաբերյալ քաղաքական հայտարարության հիմք դառնա։ «Առավոտի» զրուցակցի վկայությամբ, այդ մոտեցմանը համաձայն են ինչպես ՔԽ-ում ընդգրկված մի շարք կազմակերպություններ, այնպես էլ այդ մարմնի գործադիր քարտուղար Ռուբեն Խուրշուդյանը։
Կարդացեք նաև
ԶՐՈՒՅՑԻ ԹԵՄԱՆ ԱՅԼ Է ԵՂԵԼ
«ՄTV. 3+2» հեռուստաընկերության տնօրեն Մանվել Սարիբեկյանը «Առավոտում» հրապարակված երեկվա մի լուրի կապակցությամբ հավելյալ ճշտեց, որ ՀՀՇ գործիչների հետ «ՄTV. 3+2» հեռուստաընկերության մասին զրույցները վերաբերել են միայն կուսակցությունների եւ հասարակական կազմակերպությունների մասնակցությամբ ստեղծվելիք հաղորդաշարին, այլ ոչ այդ ալիքը ՀՀՇ-ին փոխանցելուն։
