Նախագահ Ռոբերտ Քոչարյանն իր հրամանագրով արգելել է, որպեսզի նախագահին կից վերահսկողության վարչության պետ Դավիթ Վարդանյանը ստուգումներ անցկացնի դատախազության եւ առհասարակ արդարադատության ոլորտների վերաբերյալ իր անունով ստացված բողոքների առնչությամբ։
ՓԱԹԱԹԵՔ, ԽՆԴՐԵՄ, ԹՂԹԻ ՄԵՋ
Գագիկ Ծառուկյանը, որը հայտնի է Դոդի Գագո անունով, ինքնաթիռ է գնել։ Հա-հա ասողներին եւ զարմանքից ծափ զարկողներին պիտի հիասթափեցնենք։ Ինքնաթիռը ոչ «ՏՈՒ» է, եւ ոչ էլ առավել եւս՝ «Բոինգ», այլ ընդամենը՝ 2 տեղանոց սավառնակ՝ համարյա խաղալիք։ Շնորհավորում ենք։
ԳՆԱՄ, ՏԵՍՆԵՄ, ԶԻՄ «ԱՐՄԵՆԻԱ»
Կարդացեք նաև
Նոր մանրամասներ են ի հայտ գալիս «Արմենիա» հեռուստաընկերության պատկանելության մասին։ Զորի Բալայանից բացի, դրա թիկունքում կանգնած է եւս մեկ ղարաբաղցի՝ մոսկվաբնակ մեծահարուստ Լեւոն Հայրապետյանը, որին, մոսկովյան գործունեության իր տարիներին Համլետ Ղուշչյանը հորեղբայր էր համարում։
ՄԱՐԶԱԿԱՆ «ԵՐԿՐԱՊԱՀ»
Դեկտեմբերի 25-ին «Երկրապահ» պատգամավորական խմբի հետ հանդիպում է ունեցել լեգենդար ֆուտբոլիստ Սարգիս Հովիվյանը։ Նա համաձայնել է մարզել «Երկրապահ» պատգամավորական խմբի ֆուտբոլային հավաքականը՝ պայմանով, որ խմբի անդամ Վիկտոր Դալլաքյանը նիհարի 10-15 կգ։ Ասենք, որ այս օրերին Հայաստանում է նաեւ մեկ այլ լեգենդար մարզիկ, Յուրի Վարդանյանը, որը հայրենիք է ժամանել իր մարզչի եւ հորեղբոր մահվան առիթով։
