ԱԺՄ վարչության անդամ, լրատվական ծառայության ղեկավար Արամ Մայիլյանը պնդեց, թե Վազգեն Մանուկյանին պաշտոնապես որեւէ առաջարկ չի արվել։ Իսկ ԱԺՄ վարչության անդամների վկայակոչմամբ թերթերից մեկի պնդումը, թե առաջարկները «միջնորդավորված ու ոչ ուղղակի» են եղել՝ «ոչ հավաստի» որակեց, որը «սենսացիայից բացի ուրիշ ոչինչ չի պարունակում»։ Ի դեպ, նույն հրապարակումը Շավարշ Քոչարյանն էլ «որեւէ հիմքից զուրկ» անվանեց։ Նախագահի մամուլի քարտուղար Վահե Գաբրիելյանն այս առնչությամբ ասաց, որ Ռոբերտ Քոչարյանն ու Վազգեն Մանուկյանը չեն հանդիպել, նրան առաջարկ չի արվել. «Եվ ընդհանրապես, որեւէ մեկին վարչապետի պաշտոնը չի առաջարկվել»։
… ԲԱՅՑ ԱՌԱՋԱՐԿԵԼ Է ՎԱՆՈ ՍԻՐԱԴԵՂՅԱՆԸ
Այդ բանակցություններին մասնակցած մի քանի կուսակցությունների ներկայացուցիչների հետ ճշտեցինք, որ ՀՀՇ վարչության նախագահ Վանո Սիրադեղյանն, առաջարկելով ստվերային կառավարություն ձեւավորել, նաեւ երկրի առաջին դեմքերի համար հարմար է նկատել այս թեկնածուներին. Կարեն Դեմիրճյան՝ նախագահ, Վազգեն Մանուկյան՝ վարչապետ։
Կարդացեք նաեւ՝ էջ 2։
Կարդացեք նաև
ԼԻԱԳՈՒՄԱՐ՝ ԵՐԵՎԱՆՈՒՄ
Ինչպես տեղեկացրել էր դաշնակցական մամուլը, երկու օր շարունակ Երեւանում տեղի էր ունենում դաշնակցական խորհրդաժողով։ Դրանից հետո սկսվել է ՀՅԴ Բյուրոյի լիագումար նիստը, որը, հակառակ վերջին տարիների սովորության, այս անգամ տեղի է ունենում Երեւանում։
