«ԵԱՀԿ արտգործնախարարների հանդիպման ժամանակ ընդունված փաստաթղթերից եւ ոչ մեկում չի հիշատակվում ընդհանուր պետության գաղափարը, նշանակում է, որ ԵԱՀԿ-ն լիովին համաձայն է Ադրբեջանի հետ այդ սկզբունքի աննպատակահարմարության հարցում»,- ասաց Ադրբեջանի արտաքին քաղաքականության գծով խորհրդական Վաֆա Գուլուզադեն «Սնարքի» թղթակցին։
Հարցազրույցն ամբողջությամբ կարդացեք 3-րդ էջում։
ՀԱՅՐԻԿՅԱՆԸ՝ ԵՐԿՐԱՊԱՀՆԵՐԻ ՓԱՍՏԱԲԱՆ
Պարզվում է, ԱԺ պատգամավոր Անդրանիկ Մանուկյանը ոչ թե ասել է, որ ինքը կկրակեր, եթե դպրոցի տնօրենը ադրբեջանցի լիներ, այլ՝ եթե ռազմաճակատում լիներ, գուցե այդ մարդը կկրակեր։ Նման ձեւով փորձեց պաշտպանել երկրապահներին մարդու իրավունքների հանձնաժողովի նախագահ Պարույր Հայրիկյանը, ասելով, թե ինքն անձամբ խոսել է Անդրանիկ Մանուկյանի հետ։ Այդ պատճառով վերջինիս ռազմատենչ հայտարարության հարցը հանձնաժողովի նիստի օրակարգ չի մտել, թեպետ առաջարկ եղել է։ Մինչդեռ մեր թերթին տրված հարցազրույցում («Առավոտ», 12 դեկտեմբերի) «Արարատ- Լադա» ձեռնարկության տնօրեն, երկրապահ Անդրանիկ Մանուկյանն ասել էր բառացիորեն հետեւյալը. «Եթե Գեորգի Վանյանն ադրբեջանցի լիներ, Արմենակ Արմենակյանը գուցե թե նրան ավելի խիստ պատժի ենթարկեր»։ Սեփական խոսքից հետ կանգնելու հերթական փորձ։
Կարդացեք նաև
Գրեթե չկայացած նիստի մասին կարդացեք էջ 2։
ՎԱԶԳԵՆ-ՎԱՐՉԱՊԵ՞Տ
Խորհրդարանում ավելի են սաստկացել այն խոսակցությունները, որ ՀՀ վարչապետ է դառնում Վազգեն Մանուկյանը։ Խոսվում է նույնիսկ, որ դեկտեմբերի 14-ի երեկոյան նա նախագահի նստավայրում հանդիպում է ունեցել Ռոբերտ Քոչարյանի հետ։
ՇԱՏ ՉՀԱՄԱՐՎԻ
Դեկտեմբերի 15-ին Ազգային ժողովը քվեարկությամբ մերժեց ՀՀ Սահմանադրական դատարանի նախագահի աշխատավարձը սահմանել 203700 դրամ։ Պատգամավորների մեծամասնությունն իր բացասական վերաբերմունքը պայմանավորեց նրանով, որ դա կրկնակի բարձր է ՀՀ նախագահի աշխատավարձից։
