ՀՀԿ խորհրդի անդամ, ԱԺ պատգամավոր եւ «Երկրապահ» խմբի անդամ Գալուստ Սահակյանը (ենթադրելի պատճառներով) հերքել էր, թե ինքը խոսել էր Վազգեն Սարգսյանի պաշտոնաթողության անհրաժեշտության մասին։ Նշել էր, թե իր միտքը ճիշտ չի ներկայացվել եւ, որ ինքն ընդամենն ասել էր. «Հանուն ազգի եւ պետության ամեն ինչ հնարավոր է»։ Ի ցույց դնելու համար, թե որքան քիչ արժե այս պատգամավորի խոսքն ու հերքումը՝ բառացի եւ անփոփոխ մեջբերում ենք Գալուստ Սահակյանի հետ զրույցը՝ ըստ պահպանված ձայնագրության։
«Առավոտ». «Վազգեն Սարգսյանը պատրաստակամություն հայտնեց դառնալ այս շարժման առաջնորդը. արդյոք մեծ քաղաքականությունը եւ պաշտպանության նախարարի աթոռը համատեղելի՞ են»։
Գալուստ Սահակյան. «Ասեմ Ձեզ, այդ մասին, իհարկե, խոսակցություններ կլինեն։ Բայց, ըստ երեւույթին, եթե այնպիսի քաղաքական հասունությունների ժամանակաշրջան անցնի՝ ինձ թվում է, ըստ երեւույթին, որպես նախարար պաշտոնաթող կլինի։ Մեզ էդպես է թվում»։
«Առավոտ». «Խոսակցություններ եղե՞լ են, թե դա Ձեր վերլուծությունը կամ ենթադրությունն է»։
Կարդացեք նաև
Գալուստ Սահակյան. «Ընդհանուր էդպես, հատուկ չենք ընդգծել, որովհետեւ նորովի շարժում է սա, դեռեւս չի որոշված լիդերը։ Համենայնդեպս, մեզ համար նախընտրելի է, որ ինքը լինի»։
Ա. Ի.
