«Ադրբեջանը չի մասնակցի Եվրախորհրդի խորհրդարանական վեհաժողովի քաղաքական հարցերի հանձնաժողովի դեկտեմբերի կեսերին նախատեսած լսումներին»,- հայտարարել է Ադրբեջանի արտգործնախարար Զուլֆուգարովը։ Մոտեցումը պատճառաբանվել է նրանով, որ այդ նիստին չեն հրավիրելու Լեռնային Ղարաբաղի ադրբեջանական համայնքի ներկայացուցիչները։
ԱԼԻԵՎԸ ԳԱՐՆԱՆԸ՝ ԱՄՆ
Նոյեմբերի 16-ին Ադրբեջանում ԱՄՆ-ի դեսպան Էսկուդերոն հանդիպում է ունեցել Հեյդար Ալիեւի հետ։ Բնականաբար, ինչպես պաշտոնապես է նշվում, քննարկվել են երկկողմ հարաբերություններին վերաբերող հարցեր, եւ այդ շրջանակում խոսվել է գարնանն Ադրբեջանի նախագահի ԱՄՆ կատարելիք պաշտոնական այցի մասին։
ՀԱՄԱՃԱՐԱԿԸ՝ ՓՈՂ ԱՇԽԱՏԵԼՈՒ ՄԻՋՈ՞Ց
Կարդացեք նաև
Մալաթիայի մանկական պոլիկլինիկա զանգահարած մի քաղաքացուհու (տվյալները խմբագրությունում են), որը ցանկացել է խոզուկով վարակված իր զավակի համար բժիշկ հրավիրել՝ առաջին հերթին ասել են. «Պիտի 1450 դրամ վճարեք, եթե համաձայն չեք կամ ի վիճակի չեք այդ գումարը վճարել՝ բժիշկը չի գա»։ Առաջարկել են նաեւ պոլիկլինիկա այցելել գնացուցակին ծանոթանալու համար։ Իրազեկ աղբյուրները պնդում են, որ սա եզակի դեպք չէ՝ համակարգն այս սկզբունքով էլ գործում է, չնայած ինֆեկցիոն հիվանդությունների սպասարկումը պետպատվերի շրջանակում է։ Այս դեպքում նաեւ առավել ուշագրավ է, որ խոզուկի թեթեւ դեպքերի ժամանակ՝ գումար չունենալու պատճառով չեն դիմի պոլիկլինիկա, եւ չի արձանագրվի ինֆեկցիոն հիվանդությունների իրական պատկերը։
