Շաբաթ օրը նախագահ Ռոբերտ Քոչարյանը գրողների հետ հանդիպման ժամանակ, ի թիվս այլ հարցերի, անդրադարձավ ԵԱՀԿ Մինսկի խմբի համանախագահների նոր առաջարկներին. «Այսօր ներկայացված առաջարկությունները բավական հետաքրքիր են եւ եթե Ադրբեջանն ընդունի, ապա ես լրիվ իրատեսական եմ համարում, որ մենք կարող ենք իսկապես մտնել բանակցային պրոցեսի մեջ, որը կբերի հետաքրքիր արդյունքների։ … Նախկին փաստաթղթում առաջին կետով գրված էր՝ կողմերը ճանաչում են Ադրբեջանի տարածքային ամբողջականությունը, եւ ոչ հաճելի եւս մի քանի կետեր։ Հիմա մեր սկզբունքը հետեւյալն է՝ կողմերի իրավահավասարություն, հորիզոնտալ կապեր, ոչ մի կոնֆլիկտի կողմը չպետք է մյուսից կախված լինի, մյուսին ղեկավարի»։
Նախագահի եւ գրողների հանդիպման մասին կարդացեք էջ 12։
ԵՐԿՈՒ ՊԵՏՈՒԹՅՈՒՆ՝ ՄԵԿ ՊԵՏՈՒԹՅԱՆ ՄԵՋ
«Ցավոք դեռեւս առաջարկությունների պայմաններն ամբողջովին հայտնի չեն, սակայն արդեն իսկ եղածը հայկական կողմին, իմ կարծիքով, ամբողջապես բավարարում է գոնե առաջին փուլի համար. մեկ պետության մեջ երկու պետություն՝ իրավահավասար պայմաններով». այսպես անդրադարձավ Հայաստանի հանրապետական կուսակցության նախագահ Անդրանիկ Մարգարյանը ԵԱՀԿ Մինսկի խմբի համանախագահների նոր առաջարկներին։
Կարդացեք նաև
Դրանց վերաբերյալ նաեւ մյուս կուսակցությունների տեսակետները կարող եք ընթերցել 4-րդ էջում։
ԵՐԿՈՒ ՉԿԱՅԱՑԱԾ ԱՐՏԱՀԵՐԹ
Նոյեմբերի 16-ին տեղի ունեցած ԱԺ արտահերթ նիստի ժամանակ պատգամավոր Արշակ Սադոյանը ստորագրություններ էր հավաքում մի նոր արտահերթ նիստ գումարելու համար, որպեսզի չբարձրացվեն էլեկտրաէներգիայի սակագները։ Մինչդեռ նա անհրաժեշտ քանակությամբ ստորագրություն չհասցրեց հավաքել։ Մեկ այլ հարցով՝ «Աղետից տուժած բնակավայրերի մասին» օրինագծով, արտահերթ նիստ հրավիրելու հարցում հաջողություն չունեցավ նաեւ Արթուր Բաղդասարյանը, թեպետ նա 68 ստորագրություն կարողացել էր հավաքել։ Չապահովվեց անհրաժեշտ քվորում։
ԱԺ նիստի մասին՝ 3-րդ էջում։
