Ինչպես «Առավոտին» հայտնեց «Հայրենիք» պատգամավորական խմբի նախագահ Էդվարդ Եգորյանը, «Երկրապահ» պատգամավորական խմբի նախագահ Սմբատ Այվազյանը մինչեւ նոյեմբերի 6-ն իր հետ Ընտրական օրենսգրքի շուրջ տեղի ունենալիք բանակցությունների մասին ընդհանրապես չի խոսել։ Նոյեմբերի 5-ի երեկոյան վերջինս զանգահարել է Էդվարդ Եգորյանին՝ շնորհավորել ծննդյան օրվա առթիվ։ Վերջինիս կարծիքով, Սմբատ Այվազյանը ենթադրել է, թե ինքը տեղյակ է նույն օրվա բրիֆինգում արված հայտարարություններին, սակայն. «Ի՞նչ է նշանակում սկզբից բանակցությունների ժամ հայտարարել եւ դրանից հետո միայն, երբ չկան պայմանավորվածություններ, փորձել տեղյակ պահել բանակցությունների հեռանկարի մասին»։
ԱՆՎԵՐՋ ՎԵՐԱԴԱՐՁ
«Առավոտի» հարցին, թե արդյոք ավարտվե՞լ են նախագահին կից վերահսկողական ծառայության ստուգումները Աբովյանի քաղաքապետարանում, ԱԺ պատգամավոր, քաղաքապետ Գրիգոր Ոսկերչյանը դրական պատասխան տվեց։ Փոխարենը, ինչպես հայտնի դարձավ, Աբովյանի քաղաքապետարանում նոր ստուգումներ են սկսվել՝ մարզպետարանի կողմից։ Իսկ թե ի՞նչ գտավ Դավիթ Վարդանյանի ծառայությունը Աբովյանի քաղաքապետարանում՝ Գրիգոր Ոսկերչյանը պատասխանեց. «Իմ կարծիքով ոչինչ։ Պատրաստ եմ տրամադրել տեղեկանքը, որը եթե ցանկանաք, կարող եք տպագրել թերթում»։
ԲՐԻՆՑԱԼՈՎՆ Ո՞Վ Է, ՈՐ
Կարդացեք նաև
«Առավոտի» հարցին՝ «Իրո՞ք ձեր ժամացույցը նույնն է, ինչ որ Բրինցալովն է կապում»,- «Արարատ-Լադա» ձեռնարկության տնօրեն, ԱԺ պատգամավոր Անդրանիկ Մանուկյանը պատասխանեց. «Բրինցալովի ժամացույցն իմի համեմատ զիբիլ է»։
