«Չեմ կարող մեկ փաստ չնշել, որ լրացուցիչ անգամ բոլորը համոզվեն, թե ովքեր են իսկական թալանչիները,- նշել է ԱԺ պատգամավոր, Շիրակի նախկին փոխմարզպետ Պետրոս Մաքեյանը «Առավոտին» փոխանցած գրավոր մի փաստաթղթում։- 1998-ին Շիրակի մարզում բուհական քննությունները կազմակերպել եւ անցկացրել է ՀՅԴ-ն։ Եվ Դաշնակցությունից վերջին հեռացումները բացատրվում էին ոչ թե այլախոհությամբ, այլ ավարն ըստ Դաշնակցության կուսակցության պատկերացումների եւ ցանկությունների չբաշխելու պատճառով»։
«ՕՐԱԳՐՈՒՄ» ՆԱԵՎ ԴԱՇՆԱԿՑԱԿԱՆՆԵ՞Ր ԿԱՅԻՆ
«Օրագրի» աշխատակից Վահագն Թեւոսյանը նույն օրը եւեթ հեռացվել է ՀՅԴ շարքերից, երբ լույս են տեսել Դաշնակցության վերջին հանրահավաքին առնչվող նրա հրապարակումները։ Մեկ մեջբերում դրանցից. «ՀՅԴ առաջնորդները, ժողովրդի՝ տարիների ընթացքում կուտակած սերը եւ իրենց իսկ վարկանիշը մի քանի ամսում զրոյի հավասարեցնելով,՝ որոշել են զբաղվել նաեւ շատ թե քիչ ազնիվ այլ դաշնակցականների վարկաբեկմամբ»։
ՀԱՅՑԱԴԻՄՈՒՄԸ ՀԱՆՁՆՎԵՑ ԴԱՏԱՎՈՐԻՆ
Կարդացեք նաև
«ՀՀ» օրաթերթի նախկին խմբագիր Լիզա Ճաղարյանի՝ աշխատանքում վերականգնելու մասին հայցադիմումը՝ ընդդեմ ԱԺ նախագահ Խոսրով Հարությունյանի, երեկ հանձնվեց Արաբկիրի տարածքային դատարան՝ դատավոր Վարդան Աբրահամյանին։ Տիկին Ճաղարյանի շահերն է պաշտպանում փաստաբան Ժուդեքս Շաքարյանը։
