Ինքնորոշում միավորումը դեռեւս վերջնական որոշում չի ընդունել ՔԽ նիստերին հետագա մասնակցության նպատակահարմարության վերաբերյալ։ Առայժմ ԻՄ ներկայացուցիչներն ուղղակի չեն մասնակցելու ՔԽ լիագումար նիստերին եւ ենթահանձնաժողովների աշխատանքներին՝ մինչեւ պարզ դառնա, թե վերանայվելո՞ւ է արդյոք ՔԽ գործադիր քարտուղարի ընտրության կարգը։
ՀԱՄԱՆԵՐՎԵԼ Է 50%-Ը
«Շամիրամի» ներկայացուցիչ Ջուլիետ Կաժոյանը, որն ընդգրկված է համաներման հանձնաժողովում, գոհունակությամբ անդրադարձավ իրենց աշխատանքերի ընթացքին։ Նրա խոսքերով՝ հոկտեմբերի 20-ի դրությամբ արդեն ազատ է արձակվել համաներման ենթակա անձանց շուրջ 50%-ը։ Աշխատանքները սկսել են կանանց եւ անչափահասների արգելավայրերից։ Ազատ է արձակվել 424 մարդ, իսկ 34-ի գործը կարճվել է։
ՀՐԱԺԵՇՏԻ ԵՐԵԿՈ
Կարդացեք նաև
Հոկտեմբերի 29-ի երեկոյան ՀՀ-ում Իրանի Իսլամական Հանրապետության դեսպան Համիդռեզա Նիքքար Էսպահանին հրաժեշտի երեկոյի էր հրավիրել Հայաստանի քաղաքական գործիչներին։ Այն հրավիրվել էր դեսպանի՝ ՀՀ-ում դիվանագիտական առաքելության ավարտի կապակցությամբ։
ԴԱՐՁ Ի ՇՐՋԱՆՍ ԻՒՐ
Արա Սահակյանը հոկտեմբերի 29-ին լրագրողների հետ զրույցում հայտարարեց, որ ցավում է իր՝ ՀՀՇ-ից հեռացվելու համար, ինչն իրականացվել է անհիմն կերպով։ Վեց ամիս հետո պրն Սահակյանը մտադիր է դիմել ՀՀՇ տեղական կազմակերպություններից մեկին՝ կուսակցության շարքերում վերականգնվելու նպատակով։ «Ազատություն» ռ/կ թղթակցի հարցին. «Հույս կա՞»,- Արա Սահակյանը պատասխանեց ձեռքերը վեր պարզելով եւ վերեւ նայելով։ Իսկ երբ հարցը կրկնվեց՝ նա ասաց, թե կդիմի այնպիսի տարածքային կազմակերպության, որտեղ Վանո Սիրադեղյանը մեծամասնություն չունի։
