«Առավոտի» երեկվա համարի «Դժբախտ պատահա՞ր, թե՞…» լուրի առնչությամբ Մյասնիկյանի շրջանի դատախազ Վահրամ Շահինյանը միայն հայտնեց, որ հոկտեմբերի 25-ի լույս 26-ի գիշերը «Պապլավոկի» լճակում խեղդված երիտասարդի անունը Հայկ է, եւ հայտնի է միայն, որ նա վեճի հետեւանքով է այդ լճակում հայտնվել։ Ավելի մանրամասն էին ՆԳ եւ ԱԱ նախարարության մամուլի եւ հասարակայնության հետ կապերի վարչության ղեկավար Միքայել Գրիգորյանի տրամադրած տեղեկությունները։ Հայկ Հրանտի Գուլքանյանը ծնվել է 1968-ին, ոչ մի տեղ չէր աշխատում եւ չէր սովորում։ Մահվան պատճառները պարզելու համար դատաբժշկական փորձաքննություն է նշանակված, որի արդյունքները հայտնի կլինեն 7-10 օրից։ Կատարվում է քննություն։
ՆԱԽԱԳԱՀԻ ԽՈՐՀՐԴԱԿԱՆԸ՝ ՄԻ ԿՈՂՄՈՒՄ, ՀԵՆԱՐԱՆՆ՝ ԱՅԼ
ԻՄ դիվանի (խորհրդարանի) նիստում հայտարարվեց, որ ընտրական օրենսգրքի միասնական տարբերակի ջատագովների մեծամասնությունը կողմնակից է, որ այս տարբերակն ԱԺ-ում Պարույր Հայրիկյանը ներկայացնի։ Վճռորոշ հանգամանքներից է եղել այն, որ ԱԻՄ-ն ընդդիմությունից իշխանություն դառնալու ճանապարհին չի փոխել իր տեսակետները մեծամասնական եւ համամասնական ընտրահամակարգերի հարաբերակցության վերաբերյալ։
ՀՀՇ-Ն ԴՈՒՐՍ ԵԿԱՎ ՔԽ-ԻՑ
Կարդացեք նաև
Երեկ ՀՀՇ վարչության նիստում ընդունվել է հետեւյալ որոշումը. «Արձանագրելով, որ Քաղաքական խորհուրդն իր ստեղծման օրվանից ոչ միայն չի փորձել քննարկել պետության առջեւ ծառացած եւ ոչ մի կարեւորության խնդիր, կապված թե արտաքին, թե ներքին քաղաքականության հետ, այլեւ ի վիճակի չէ այդ անել։ Չցանկանալով իր մասնակցությունը բերել մի մարմնի աշխատանքներին, որը չարտացոլելով հանրապետության առկա քաղաքական սպեկտորը՝ լծվել է հասարակության մեջ ազգային համաձայնության պատրանք ստեղծելու անպտուղ գործին, վարկաբեկելով եւ վտանգելով բուն ազգային համաձայնության գաղափարը։ Հայոց Համազգային Շարժումը որոշում է՝ դադարեցնել իր մասնակցությունը Քաղաքական խորհրդի աշխատանքներին»։
Կարդացեք նաեւ էջ 3։
