– Պարոն Ավանեսյան, ըստ իմ տեղեկությունների, Հայաստանը պետք է «Մերի Լինչ» կազմակերպությունից 1,5 մլն դոլար ստանա։ Ի՞նչ գումար է դա եւ ի՞նչ նպատակներով է ծախսվելու։
– Կարծես թե տեղեկությունն այնքան էլ ճիշտ չէ։ «Մերի Լինչ»-ի հետ մենք բավականին մեծ գործառություններ ենք իրականացնում, հիմնականում՝ սեփականաշնորհման ոլորտում։ «Մերի Լինչ»-ը հանդես է գալիս որպես ֆինանսական միջնորդ, իսկ ինչ վերաբերում է 1,5 մլն դոլարին, ես նման թվերի մասին որեւէ տեղեկություն չունեմ։
– Լավ, եթե 1,5 մլն չէ, ապա որքա՞ն է Հայաստանը ստանալու «Մերի Լինչ»-ից։
– Ես էլի պետք է ասեմ, որ «Մերի Լինչ»-ը ֆինանսական միջնորդ է, որը միջնորդական ծառայություններ է մատուցում ՀՀ կառավարությանը՝ սեփականաշնորհման հարցերում։ «Մերի Լինչ»-ը որեւէ ֆինանսական պարտավորություն չունի Հայաստանի առջեւ, որպեսզի նրանից վճարումներ սպասենք։ «Մերի Լինչ»-ը ֆինանսական միջնորդ է ընդամենը։
Կարդացեք նաև
– Ճի՞շտ հասկացա, որ «Մերի Լինչ»-ը Հայաստանին գումարներ չի հատկացնելու ընդհանրապես։
– «Մերի Լինչ»-ն ինքը, իհարկե՝ ոչ, չի հատկացնելու։
Ա. ԶԱՔԱՐՅԱՆ
