Մամուլում հաղորդվել էր, որ ՀՅԴ-ն եւ Սոցիալիստական ուժերի միությունը ՍԻՄ-ի հայտարարությանը համահունչ փաստաթղթեր են ընդունել Բաքվում վարչապետ Արմեն Դարբինյանի ստորագրած համաձայնագրի վերաբերյալ։ ՀՅԴ Հայաստանի ԳՄ անդամ Գեղամ Մանուկյանն «Առավոտին» պարզաբանեց, որ ուղղակի կուսակցության պաշտոնական դիրքորոշումն է փոխանցվել ՔԽ ներքաղաքական հարցերի ենթահանձնախմբին։ Մասնավորապես առաջարկվել է, որ վարչապետի ստորագրած համաձայնագիրը ներկայացվի ՍԴ փորձաքննությանը։
ԵԶԴԻՆԵՐԸ ՁԳՏՈՒՄ ԵՆ ՔԽ
Հոկտեմբերի 21-ին ՔԽ քարտուղար Հրանտ Խաչատրյանի հետ է հանդիպել «Եզդիխանա» կուսակցության նախագահ Սիաբանդ Բաքոյանը։ Քննարկվել է կուսակցությունը ՔԽ-ի մաս դարձնելու հարցը։ «Եզդիխանան», հավանաբար, կլրացնի ԻՄ թափուր տեղը։
ԵՎՍ ՄԵԿ ՃԵՂՔ
Կարդացեք նաև
«Առավոտի» հարցին, թե ինչու է ԱԺ պատգամավոր, «Երկրապահի» անդամ Անդրանիկ Մանուկյանն այդքան կոշտ արտահայտվել ՀՅԴ վերաբերյալ, վերջինս պատասխանեց. «Չեմ հասկանում դաշնակցականների արածը։ Իրենց թերթերում թեկուզ իմ նկատմամբ էլ անհիմն մեղադրանքներ են ներկայացնում։ Եթե ասելիք ունեն, կարող էին ամեն ինչ ներկայացնել ինձ։ Մինչդեռ ինքս, երկրապահների մեծամասնության հետ միասին անձնական լումա ունեմ դաշնակցականների բանտից ազատվելու գործում։ Իսկ ինչ վերաբերում է «Օրագիր» թերթում տպագրվածին, դա իմ անձնական կարծիքն է»։
ԹԱՓՈՒՐ ՊԱՇՏՈՆԻ ՀԱՎԱԿՆՈՐԴԸ
Ստեփանակերտի նախկին քաղաքապետ Յուրա Ղազարյանն այժմ գտնվում է Երեւանում։ Լուրեր են պտտվում, որ նա շուտով զբաղեցնելու է «Հայաստան» համահայկական հիմնադրամի գործադիր տնօրենի պաշտոնը։
