ԱԺ-կառավարություն հարցուպատասխանի ընթացքում ամենահաճախ ամբիոն էր բարձրանում ֆինանսների նախարար Էդվարդ Սանդոյանը։ Եվ նույն հաճախականությամբ էլ պատգամավորները պատասխանից հետո դեմքներին տարակուսած արտահայտություն էին տալիս՝ ակնհայտորեն չհասկանալով, թե պատասխանն ինչ կապ ունի իրենց հարցերի հետ։ Պրն Սանդոյանի՝ իմ հարցին տված պատասխանն ընկալելու պատրաստակամությամբ էլ դիմեցի նրան։
-Ներեցեք հարցիս համար, սակայն պատգամավորները ձեր պատասխանները հիմնականում անհասկանալի են համարում։ Ըստ ձեզ՝ ո՞րն է պատճառը։
-Իմ պատասխաննե՞րը… Հո Արշակ Սադոյա՞նը չի։ Ես, ճիշտն ասած, այլ տպավորություն ունեմ։ Բազմիցս ասել եմ եւ կարող եմ կրկնել, որ պատգամավորների հետ իմ աշխատանքը ինձ մոտ ստացվում է (սա իմ կարծիքն է)։ Իհարկե, կան պատգամավորներ, որոնք ինձ չեն հասկանում։ Գիտե՞ք ինչ կա, հասկանալու համար… էսպես… Չեմ ուզում շատ կոպիտ ստացվի, հա՞։ Ուրեմն էսպիսի անեկդոտ կա։ Պատմեմ երեւի, հա՞։ Մի ամուսին անընդհատ խմած գալիս ա տուն։ Գիտե՞ք էս անեկդոտը։ Անընդհատ խմած գալիս ա։ Մի օր էլ կինն ասում ա. «Չեմ հասկանում, ինչքա՞ն կարելի ա խմել»։ Ամուսինն էլ թե. «Այ, որ մի բանից չե՜ս հասկանում, մի խոսա»։ (Սրամիտ անեկդոտ էր, չէ՞- Լ. Ա.)։ Ես ուրիշ պատասխան չունեմ։
-Այսինքն, պրն Սանդոյան, ձեր արհեստավարժության մեջ որեւէ կասկած չկա՞։
Կարդացեք նաև
-Էկեք էդ պիտակն իմ վրայից հանենք, էլի։ Սիրով կհանեինք։ Բայց ով կպցրել է, թող նա էլ հանի։
Լ․Ա․
