Նախագահին առընթեր քաղաքական խորհրդի գործադիր քարտուղար Հրանտ Խաչատրյանն «Առավոտի» հարցին, թե արդյոք ՀՀՇ-ն իրեն տեղեկացրե՞լ է ՔԽ-ից դուրս գալու իր ցանկության մասին, պատասխանեց, թե որքան տեղյակ է՝ այս հարցը դեռ միայն քննարկվում է ՀՀՇ-ում, որոշում չի ընդունվել։ «Նման հարց գրեթե բոլոր կուսակցություններն էլ քննարկում են,- նաեւ ասաց պրն Խաչատրյանը։ – Մասնավորապես, ՍԻՄ-ի նախագահության վերջին նիստերից մեկում նույնպես քննարկվեց ՔԽ-ում մնալու նպատակահարմարության հարցը՝ հեղինակության եւ այլ տեսակետներից»։
ՍԻՄ-ի նախագահ Հրանտ Խաչատրյանի հետ հարցազրույցը՝ «Առավոտի» վաղվա համարում։
ՍՈՒՐԵՆ ՀԱՐՈՒԹՅՈՒՆՅԱՆԸ՝ ԱՊՀ ՆԱԽԱՐԱ՞Ր
Արդեն տեւական ժամանակ Հայաստանում է իր վերջին պաշտոնում ՌԴ ԱԳ նախարար Պրիմակովի խորհրդական, Կարեն Դեմիրճյանից հետո Հայկոմկուսի առաջին քարտուղար Սուրեն Գուրգենիչ Հարությունյանը։ Չնայած բազմաթիվ կանխատեսումներ են եղել, թե նա պաշտոն է ստանալու, սակայն դեռեւս որեւէ ճշգրիտ տեղեկություն ասպարեզ չի հանվել։ Ըստ երեւույթին, Սուրեն Հարությունյանը դառնալու է նախարար եւ նրա համար նոր կառույց է ստեղծվելու ՀՀ կառավարության համակարգում։ Նա կգլխավորի ԱՊՀ երկրների հետ կապերի նախարարությունը։
Կարդացեք նաև
ՏԱՆԿՈՎ ՉԻ ԱՆՑՆԻ ՄԱՄՈՒԼԻ ՎՐԱՅՈՎ
Նախագահի նոր մամուլի խոսնակի առաջին ճեպազրույցում լրագրողներից մեկը հետաքրքրվեց, թե բանակի ինչ զորամասում է ծառայել Վահե Գաբրիելյանը։ «Այժմյան մասնագիտությանս հետ որեւէ կապ չունի, բայց տանկային զորամասեր էին»,- պատասխանեց խոսնակը։
Կարդացեք նաեւ՝ 2-րդ էջ։
