ԱԺ պատգամավոր Վահագն Խաչատրյանն «Առավոտին» տեղեկացրեց, որ վերստին Կոնյակի գործարանի, «Արմենիա» եւ «Անի» հյուրանոցների, ինչպես նաեւ «Հայկական ավիաուղիներ» ձեռնարկության սեփականաշնորհման գործընթացն ուսումնասիրող հանձնաժողով ստեղծելու հարցով խորհրդարանի արտահերթ նիստ անցկացնելու համար հավաքվել է 70 ստորագրություն, որոնք հանձնվել են ԱԺ նախագահ Խոսրով Հարությունյանին։ Վահագն Խաչատրյանի կարծիքով, խորհրդարանը բազմաթիվ հրատապ հարցեր քննարկելու համար ընդամենը 45 օր ժամանակ ունի, ուստի պետք է աշխատի առանց հանգստի։ Որովհետեւ՝ դեկտեմբերի 1-ից ԱԺ-ն ձեռնամուխ կլինի 1999 թ. բյուջեի քննարկմանը։
ԴՈՒՔ ԻՆՁ ՉԵ՞Ք ՃԱՆԱՉՈՒՄ
Մի նոր մանրամասն նախագահ-«Երկրապահ» հանդիպումից. ԱԺ փոխխոսնակ Ալբերտ Բազեյանը Ռոբերտ Քոչարյանին հարցրել է. «Իսկ հնարավո՞ր է, որ Կոնյակի գործարանի սեփականաշնորհման գործարքում մութ կետեր են առկա»։ Նախագահը բացասական պատասխան է տվել՝ այն ուղեկցելով հռետորական հարցով. «Մի՞թե ես այդպիսի մարդ եմ»։
ԽՄ-Ի ՕՐԵՆՍԳԻՐՔԸ ԴՈՒՐՍ Է ՄՂՎՈՒՄ
Կարդացեք նաև
Պարույր Հայրիկյանը հայտարարել է, որ պատրաստ է հետ վերցնել խորհրդարանում շրջանառության մեջ գտնվող ընտրական օրենսգրքի ԻՄ խմբակցության տարբերակը։ Սակայն դեռեւս հայտնի չէ, թե դրանից հետո Հայրիկյանը «Երկրապահի» նախագծի՞ն կմիանա, թե՞ ընտրական օրենսգրքի այն օրինագծին, որը կոչվում է միասնական տարբերակ։
