Շատ հնարավոր է, որ ՀՀ նախագահի մամլո խոսնակ դառնա Վահե Գաբրիելյանը՝ այդ պաշտոնում փոխարինելով տիկին Կասյա Աբգարյանին։ Վահե Գաբրիելյանը շատ լավ տիրապետում է անգլերենին։ Նա որդին է Վազգեն Գաբրիելյանի, որը վերջին երկու տարում ընդունելության քննությունների հանձնաժողովի նախագահն էր, եւ Ժենյա Քալանթարյանի։ Նրանք երկուսն էլ դասավանդում են ԵՊՀ բանասիրական ֆակուլտետում։
ՆԱԽԱԳԱՀԻ ՄՈՏԻՑ՝ ՍԴ
Պարույր Հայրիկյանի՝ նախագահին կից գլխավորած հանձնաժողովներից մեկը դիմել է Սահմանադրական դատարան, որպեսզի վերջինս պարզի, թե ընտրական օրենսգրքում արձանագրվելիք ո՞ր սկզբունքն է ավելի համապատասխանում ՀՀ Սահմանադրությանը։ Խոսքը համամասնական ու մեծամասնական մանդատների բաշխման հարցին է վերաբերում։
ՉԿԱՅԱՑԱԾ ՍՏՈՒԳՈՒՄ
Կարդացեք նաև
Ըստ «Առավոտ» հասած տեղեկությունների, ՀՀ Ազգային ժողովի աշխատակազմում քննարկվել է մինչեւ Լիզա Ճաղարյանին «Հայաստանի Հանրապետութիւն» օրաթերթի խմբագրի պաշտոնից ազատելը խմբագրությունում ֆինանսական հարցերով ստուգումներ անցկացնելու հարցը։ Սակայն, ինչ-ինչ պատճառներով, ստուգումները նպատակահարմար չեն նկատվել։
