Երեկ թիվ 11 դպրոցի ուսուցիչներն ահազանգեցին «Առավոտին», որ Մաշտոցի շրջանի թաղապետարանը որոշել է լուծարել շրջանի 4 գրադարանները։ Թաղապետարանի աշխատակից Գայանե Սայադյանը ավագ գրադարանավարներին բացատրել է, թե «այդպես են հարմար գտել» եւ մտադիր են 4-ը մի տեղում հավաքել։ Ըստ ուսուցիչների, այդ տեղը Ֆուչիկի փողոցի մանկապարտեզի ավերված շենքն է, որում առնվազն մեկ գրադարան կարող է տեղավորվել։
ԱՐԱՄ ԱՍԱՏՐՅԱՆԸ ՎԱՃԱՌԵԼ Է ԻՐ ՄԵՔԵՆԱՆ
Երեկ «Առավոտի» խմբագրություն այցելած հանրահայտ երգիչ Արամ Ասատրյանի եղբայր Գրիշան եւ որդի Տիգրանը հերքեցին այն լուրերը, թե իրենց հռչակավոր բարեկամի «Ջիպը» առգրավել եւ յուրացրել է գեներալ Մանվել Գրիգորյանը: Նրանց խոսքերով, Արամի եւ գեներալ Մանվելի հարաբերությունները ջերմ են եւ ընկերական, եւ նման լուրերը պարզապես անհեթեթ են:
«Ճշմարտությունն այն է,- ավելացրին մեր հյուրերը,- որ երգիչը երկար ժամանակ Ամերիկայում համերգներ կազմակերպելու պատճառով իր մեքենան վաճառել է»: Ափսոս: Շատ հնարավոր է, որ մի քանի տարի հետո այդ ավտոմեքենան շատ ավելի թանկ գնով վաճառվեր «Սոթբիս» աճուրդում՝ Էլթոն Ջոնի եւ Փոլ Մաքքարթնիի անձնական իրերի հետ:
Կարդացեք նաև
ՆՈՐ ԱՐՏԱՀԵ՞ՐԹ
Ազգային ժողովում նոր նախաձեռնություն է հասունանում գալիք երկուշաբթի հերթական արտահերթ նիստը գումարելու հարցով։ Խնդիր է դրված փոփոխություններ կատարել ԱԺ կանոնակարգում եւ ստեղծել կոնյակի գործարանի սեփականաշնորհման գործընթացում տեղ գտած խախտումներն ուսումնասիրող հանձնաժողով։ Հիշեցնենք, որ բազմաթիվ երկրապահներ իրենց ելույթներում այս գաղափարին կողմ էին արտահայտվում։
