Որքանո՞վ են ճիշտ այն լուրերը, թե ԱԺ փոխխոսնակ Ալբերտ Բազեյանը հրաժարական տվեց, իսկ «Երկրապահ» պատգամավորական խումբն էլ կոնյակի հարցում դեմ դիրքորոշմամբ հանդես եկավ այն բանից հետո, երբ նրա նախագահ Սմբատ Այվազյանն ու Ալբերտ Բազեյանը հանդիպեցին հանրապետության նախագահ Ռոբերտ Քոչարյանի հետ։ Պատասխանելով «Առավոտի» այս հարցին, պրն Այվազյանն ասաց, թե դա բացարձակապես իրականությանը չի համապատասխանում, քանի որ հոկտեմբեր ամսին ինքը Ռոբերտ Քոչարյանի հետ ոչ հանդիպել է, եւ ոչ էլ հեռախոսազրույց ունեցել։
ՃԻՇՏ ԳՈՒՇԱԿՈՒԹՅՈՒՆ
Լրագրողների հետ զրուցելիս կառավարության օպերատիվ հարցերի նախարար Շահեն Կարամանուկյանը կանխատեսեց, թե քվեարկության արդյունքում նախագիծը կհավաքի 71 կողմ ձայն։ Նա, ըստ էության, ճիշտ կանխատեսում արեց, սակայն խաղաքարտերը խառնեց պետաիրավական հանձնաժողովի նախագահ Արթուր Բաղդասարյանը, որը կողմ քվեարկելուց հետո, այնուհետեւ իր անվան դիմաց գրանցել է տվել դեմ։
Իսկ թե ինչպես էր ընթանում քննարկումը, կարդացեք 4-րդ էջում։
Կարդացեք նաև
ԿԱՐԵՆ ԴԵՄԻՐՃՅԱՆԸ ՍՊԱՍՈՒՄ Է, ՄԻՆՉԵՎ ՏՈՆՆ ԱՆՑՆԻ
Այսօր պիտի իր աշխատանքները սկսեր Հայաստանի ժողովրդական կուսակցության առաջին համագումարը։ Սակայն որոշվել է համագումարն անցկացնել Էրեբունի-Երեւան տոնակատարությունից հետո։ Այս լուրն «Առավոտ»-ին հայտնելով, ՀԺԿ անդամ, «Քիմռեակտիվներ» ձեռնարկության տնօրեն եւ ԱԺ պատգամավոր Վոլոդյա Բադալյանը նաեւ խոստացավ, որ համագումարը բաց է լինելու լրագրողների համար. «Կհրավիրենք բոլորիդ»։
