Սեպտեմբերի 29-ին Ազգային ժողովում հայտարարվեց, որ այդ օրվանից պաշտոնական շրջանառության մեջ է դրվում «Երկրապահ» պատգամավորական խմբի ընտրական օրենսգրքի նախագիծը։ Խմբի փոխնախագահ Վիկտոր Դալլաքյանը հայտարարեց, որ իրենք պատրաստ են կատարել բոլոր քայլերը՝ միասնական ընտրական օրենսգիրք ստեղծելու համար։ Իսկ ընդհանուր համաձայնությունը 1999 թվականի ազատ, արդար ընտրություններ անցկացնելու հիմք կարող է դառնալ։
ԱԽ, ԻՄ ԶԱՐԹՈՆՔԻ ՋՈՒՐԸ
Արմավիրի մարզպետ Ալբերտ Հերոյանն «Առավոտ»-ին հատուկ վկայեց, որ ինքը, ինչպես նաեւ իր ընտանիքի անդամները, կերել են Զարթոնք գյուղի խաղող, դեղձ ու բանջարեղեն, ինչպես նաեւ խմել Զարթոնքի ջուրը։ Ասել է թե, որ իրենք խոլերայով չեն հիվանդացել, ուրեմն նշանակում է հիվանդությունը վերացված է ընդհանրապես։
ՈՍԿԵՐԻՉՆԵՐԸ ԿՀԱՎԱՔՎԵՆ
Կարդացեք նաև
«Շողակն» ձեռնարկության տնօրեն Գագիկ Աբրահամյանն «Առավոտին» տեղեկացրեց, որ հոկտեմբերի 3-4-ին Երեւանում տեղի կունենա Հայ ոսկերիչների միջազգային միության համագումարը։ «Արմենիա» հյուրանոցում տեղի ունենալիք այդ միջոցառմանը մասնակցելու են բազմաթիվ ոսկերչագործական կազմակերպությունների ներկայացուցիչներ։
