Ըստ ամենայնի, հայ կոմունիստները ոգեւորվել են իրենց ռուս գործընկերների «տակտիկական մեծ հաջողությունից» եւ Պրիմակովի նշանակումից։ Գուցե այդպե՞ս է պատճառաբանվում ակտիվության հանկարծակի պոռթկումը։ Հանրահավաք այսօր, հանրահավաք հոկտեմբերի 7-ին՝ համառուսաստանյան բողոքի ցույցերին ի համերաշխություն, Ռուսաստան-Բելառուս միությանը Հայաստանի մաս կազմելու հավերժական հարցով։
«Մեր զայրույթն ենք արտահայտելու ե՛ւ վաղը, ե՛ւ առավել եւս հոկտեմբերի 7-ին՝ այն կապակցությամբ, որ այսօրվա նախագահը եւ նրա վարչախումբն արհամարհում են ժողովրդի բացահայտ կերպով արտահայտված կամքը անցյալ տարվա ընթացքում»,- երեկ հրավիրված ասուլիսում վրդովված ասում էր Հայկոմկուսի առաջին քարտուղար Սերգեյ Բադալյանը, ազդարարելով իշխանությունների նկատմամբ «բողոքի եւ, միգուցե, ապագայում անհնազանդության շարժման» մեկնարկը։
Կարդացեք 3-րդ էջում։
ՆԱԽԱՊԱՏՐԱՍՏՎՈՒՄ ԵՆ ԻՄՓԻՉՄԵՆԹԻՆ
Կարդացեք նաև
34 պատգամավորներ օրենսդրական նախաձեռնություն են ներկայացրել փոխելու ԱԺ կանոնակարգի 81-րդ հոդվածի 3-րդ կետը, ըստ որի, նախագահի պաշտոնանկության հարցը կարող է խորհրդարանում քննարկվել միայն Սահմանադրական դատարանի համապատասխան եզրակացության հիման վրա։ Նախաձեռնողները փորձելու են կանոնակարգից հանել այս դրույթը։
ՀՐԱՎԵՐ ՍԴ-ԻՑ
Կոնյակի հարցով Սահմանադրական դատարանում քննության անցկացնելու համար ստորագրություններ հավաքած պատգամավորների նախաձեռնող խումբը մոտ օրերս կայցելի ՍԴ։ Սահմանդրական դատարանի նախագահ Գագիկ Հարությունյանը նրանց հրավեր է արել սեպտեմբերի 26-ին ժամը 11-ին։ Փաստաթուղթը նախաձեռնող խմբին է ուղարկվել սեպտեմբերի 22-ին։
