«A1+»-ին տված իր հարցազրույցում ԱԺ Վերահսկիչ պալատի նախագահ Աշոտ Թավադյանը հաստատեց լուրն այն մասին, որ այս տարի Հայաստանի կառավարությունը միջազգային կազմակերպություններից եւ այլ կառավարություններից պետք է գրանտ ստանա 21,3 միլիարդ դրամի չափով, սակայն առ այսօր ստացել է ընդամենը 1,7 միլիարդ դրամը։ Պրն Թավադյանը նշեց նաեւ, որ նման ցուցանիշներ էին արձանագրվել նաեւ 1997 թվականին։
ՄԵԿ ԱՐՁԱԳԱՆՔՈՒՄ Է՝ ՄԵԿ ՈՉ
ՀՀ նախագահի խորհրդական Վահան Հովհաննիսյանը մերժեց «Առավոտի» առաջարկը անդրադառնալ իր հեռուստաելույթի առնչությամբ հրապարակված արձագանքներին, որոնց չէր կարողացել պատասխանել Հունաստանում գտնվելու պատճառով։
«Առավոտում» տպագրված մեկ այլ հայտարարության առնչությամբ, սակայն, պրն Հովհաննիսյանը ստիպված է եղել պարզաբանում տալ ՀՀ-ում ԼՂՀ ներկայացուցչությանը, հերքելով, թե ԱՄՆ-ում ինքն արտահայտվել է հօգուտ Ղարաբաղի՝ Ադրբեջանի կազմում մնալու։
Կարդացեք նաև
ԱՀԱ ԹԵ ԻՆՉՈՒ ԷՐ ՍԱՄՎԵԼ ԲԱԲԱՅԱՆՆ ԱՍՈՒՄ, ՈՐ ԻՆՔԸ ԵՐԲԵՔ ՆԱԽԱԳԱՀ ՉԻ ԴԱՌՆԱ
ԼՂՀ ԱԺ հանձնաժողովի նախագահ Մուրադ Պետրոսյանը հաստատեց մեր ունեցած այն տեղեկությունը, որ Ղարաբաղում պատրաստում են սեփական Սահմանադրության նախագիծը, որով նախատեսվում է անցնել կառավարման խորհրդարանական տարբերակին։
