Մեկ հարց «Շամիրամի» համանախագահ, ԱԺ պատգամավոր ԳԱՅԱՆԵ ՍԱՐՈՒԽԱՆՅԱՆԻՆ
– Տիկին Սարուխանյան, մի կողմից «Շամիրամի» համանախագահ Շողեր Մաթեւոսյանը պատրաստակամություն է հայտնում Վանո Սիրադեղյանի հետ անգամ դժոխք գնալ, իսկ մյուս կողմից էլ, կարծես, դուք նրան մենակ եք թողնում եւ ձեր նախկին մերձավորներին միանալու որեւէ տրամադրություն չեք ցուցաբերում։ Ինչո՞վ դա բացատրել։
– Համարում եմ ոչ տեղին «Շամիրամի» անունից պարբերաբար անհիմն հայտարարություններով հանդես գալը։ Անձնապես կարող եմ հարգել ու անգամ բարձր գնահատել որեւէ մեկի մարդկային նվիրումը մեկ այլ անձի՝ նրա հետ «դժոխք գնալու» պատրաստակամության չափ։ Կարող եմ նույնիսկ հասկանալ որեւէ մեկի ծայրահեղ երախտագիտությունը մեկ այլ անձի՝ ծայրահեղ՝ սեփական ասելիքը կորցնելու չափ։ Բայց քաղաքականության ու համոզմունքների մեջ ես դա ոչ մի պայմանով չեմ ընդունում։ Չեմ ընդունում, որ կարելի է նման հայտարարություն անել հազարավոր կանանց անուն ու հեղինակություն ենթադրող ողջ կազմակերպության անունից։ Եվ որպեսզի հետագայում սխալ չհասկացվեմ, ամենայն պատասխանատվությամբ հայտարարում եմ ներկայի եւ ապագայի բոլոր քաղաքական գործիչներին, որ այդ տրամաչափի անձնական նվիրում ինձանից չակնկալեն։
Ա. ԶԱՔԱՐՅԱՆ
Կարդացեք նաև
Հ.Գ. Իսկ «Առավոտի» հաջորդ համարում կհրապարակվի Գայանե Սարուխանյանի հոդվածը վերջին տարիներին «Շամիրամ» կուսակցությունում տեղ գտած իրողությունների մասին։
