Սեպտեմբերի 6-ին Շենգավիթի տարածքում կանցկացվեն համայնքապետի ընտրություններ։ Մրցակցում են երկու թեկնածու՝ ԻՄ ներկայացուցիչ Գագիկ Սարուխանյանը եւ ԱԺ պատգամավոր, Շենգավիթի թաղապետի ներկայիս պաշտոնակատար Մարտին Սարգսյանը։ Դիտորդները վկայում են, որ վերջինիս հաղթանակը որեւէ կասկած չի հարուցում, իսկ ԻՄ-ի ներկայացուցիչը մասնակցում է պարզապես ընտրությունների ժողովրդավարությունն ապահովելու նպատակով։
ՄԻՇՏ ԵՐԿՐՈՐԴԸ
Սեպտեմբերի 4-ին տեղի է ունեցել ԱԺ ֆինանսավարկային, բյուջետային եւ տնտեսական հարցերի հանձնաժողովի նիստ, որը քննարկել է հանձնաժողովի փոխնախագահի թեկնածության հարցը։ Քվեարկությամբ որոշվել է այդ պաշտոնում նշանակել ԱԺ պատգամավոր Ավետ Գրիգորյանին։ Առողջապահության փոխնախարարի պաշտոնում, ի դեպ, նրան «փաղաքշանքով» «Աղետ Գրիգորյան» էին անվանում։
Ճ-Ն ԱՅԲՈՒԲԵՆԻՑ ԴՈՒՐՍ
Կարդացեք նաև
ԱԺ իրավաբանական ծառայության պետ Վլադիմիր Նազարյանն «Առավոտին» ասաց, որ հանդես է եկել առաջարկությամբ՝ «Այբուբենի մասին» օրենքի վերաբերյալ։ Նա առաջարկել է մաշտոցյան այբուբենից հանել «Ճ» տառը, հիմքում ունենալով այն փաստարկը, որ այդպիսով թեթեւացվի պետավտոտեսչության աշխատակիցների վիճակը։ Նրանք, պարոն Նազարյանի համոզմամբ, «Ճ» տառը չեն ճանաչում, ուստի չեն կարողանում ակտեր գրել Ճանճապանյան եւ Ճշմարիտյան ազգանունները կրող օրինախախտ վարորդների վրա։ Իսկ դրանից ամբողջ ճանապարհային երթեւեկությունն է տուժում։
