«Ես կարծում էի, որ տրանսպորտային նախկին դատախազին եւ նրա ինքնասպանության առաջարկվող վարկածին առնչվող դեպքերն ինչ-որ կապ ունեն էներգակիրների առնչությամբ իմ արծարծած հարցերի հետ, քանզի այդ շրջանում տրասնպորտային մեծագույն հանցագործություններ էլ էին եղել։ Իրավունք չունեմ պաշտոնապես միջամտել դատախազությունում տարվող հետաքննությանը, բայց կասկածում էի, որ իմ դիմումն ինչ-որ դեր է խաղացել այս գործընթացների մեջ։ Բայց դատախազության աշխատակիցները փորձեցին ինձ համոզել, թե որեւէ կապ չկա, եւ այդ կորած քրեական գործը առանձին, մասնավոր, ոչ պետական մակարդակով մի խարդախության սովորական փաստի վերաբերյալ է»,- պատմեց ԱԺՄ վարչության անդամ, ԱԺ պատգամավոր Արշակ Սադոյանը։
Սադոյանի հետ հարցազրույցը կարդացեք 3-րդ էջում։
«ԵՐԿՐԱՊԱՀԸ» ՎԵՐԱՊԱՀՈՒՄՈՎ Է ՎԵՐԱԲԵՐՎՈՒՄ ՆԱԽԱԳԱՀԻՆ
«Առավոտի» հարցադրմանը, թե արդյոք գո՞հ է «Երկրապահը» իր պաշտպանած նախագահի թեկնածու Ռոբերտ Քոչարյանից, պատգամավորական խմբի նախագահ Սմբատ Այվազյանն ասաց, թե Ռոբերտ Քոչարյանը թեեւ շեղումներ թույլ չի տվել իր ծրագրից, սակայն այն ակնկալիքները, որ կային նրանից, ըստ էության, չեն արդարանում։ Այս հիմքի վրա էլ գոյանում են որոշակի վերապահություններ։ «Երկրապահն» իբրեւ ժողովրդի մի հատված, խանդավառված էր եւ ակնկալում էր որոշակի հաջողություններ արդեն աշնան շեմին, ինչը գոյություն չունի։
Կարդացեք նաև
Առավել մանրամասն՝ 4-րդ էջում:
