ԱԺ արձակուրդի ընթացքում «Հայրենիք» պատգամավորական խումբը մեկ տասնյակի չափ օրենսդրական նախաձեռնություններ է շրջանառության մեջ դրել, որոնք վերաբերում են ստուգումների անցկացման կարգին, բյուջեով նախատեսված գումարների հատկացման ժամկետը խախտելու դեպքում ամեն օրվա համար 0,1 տոկոս սահմանելուն, կրթության, գիտության, մշակույթի եւ սպորտի բնագավառների աշխատավարձերի ֆոնդերի համար բյուջեի որոշակի տոկոս պարտադիր սահմանելուն եւ այլն։ Դեռ մշակվում է եւս մեկ նախաձեռնություն, ըստ որի բյուջեն պիտի 1-ին, 2-րդ եւ այլ ընթերցումներով հաստատվի։
ՇԱՆԹԻ ՁԱՅՆԸ
«Առավոտին» տված հարցազրույցում Հայաստանի ցեղապաշտական կուսակցության առաջնորդ Շանթ Հարությունյանը հայտարարեց, թե Վազգեն Սարգսյանն իր «Երկրապահով» պետք է Ազգային ժողովի նախագահ առաջադրեր Վանո Սիրադեղյանին։ Շանթ Հարությունյանը քննադատեց նաեւ Դաշնակցությանը, ի մասնավորի մեղադրելով նաեւ, որ ժամանակին չի համագործակցել Լենինի հետ։ Նրա խոսքը ներկայացնող թղթակցությունը՝ «Առավոտի» վաղվա համարում։
