«Հա՞րկ է արդյոք, որ Ռոբերտ Քոչարյանն ընդունի Հեյդար Ալիեւի հրավերը»,- «Ազատություն» ռ/կ-ի թղթակցուհու այս հարցին նախագահի խորհրդական Վահան Հովհաննիսյանը ճեպազրույցում պատասխանեց. «Իմ անձնական կարծիքն այն է, որ նա պետք է զգուշանա։ Վերջապես, Ադրբեջանն անակնկալներով հարուստ երկիր է։
Եթե նախագահին այս հարցում փոխարինող չգտնվի (իսկ ես վստահ եմ, որ կգտնվի), ապա հարցին այլ տեսանկյունից կարելի է նայել։ Բայց ես վստահ եմ, որ նախագահին կարող է փոխարինել մեկ ուրիշը։ Դա վտանգավոր ճանապարհորդություն է»։
Իսկ թղթակցուհու այն հարցին ի պատասխան, թե պատրա՞ստ է արդյոք ինքը փոխարինել Ռոբերտ Քոչարյանին՝ Վահան Հովհաննիսյանն ասաց. «Ես միշտ պատրաստ եմ, բայց ինձ անմիջապես կբռնեն։ Բայց եթե նման հարց լինի՝ ես կարող եմ համաձայնել»։
Ա. Ի.
