Ըստ որոշ տեղեկությունների, վերջերս Հայաստան է ժամանել եւ Ռոբերտ Քոչարյանի հետ հանդիպումներ է ունեցել Հայաստանի կոմկուսի նախկին առաջին քարտուղար Սուրեն Հարությունյանը։ Խոսակցությունների բովանդակության եւ թեմաների մասին դեռեւս որեւէ մանրամասն հայտնի չէ։
ՎԵՐԱՆՈՐՈԳՈՒՄ ՍՈՑԱՊ ՆԱԽԱՐԱՐՈՒԹՅՈՒՆՈՒՄ
Սոցապ նախարարության առաջին հարկում գտնվող ճաշարանը վերանորոգվում է։ Ճաշարանի տեղում վերանորոգումից հետո կգործի սոցիալական գրականության գրադարան։ Այս փաստը գալիս է ապացուցելու, որ հոգեւոր սնունդն ավելի հեշտ է ձեռք բերվում, քան սննդի մյուս տեսակները։ Գրադարանի շահագործումով սոցապ նախարարությանը ոգու սով չի սպառնա։ Հիշյալ առիթով նախարարության աստիճաններից եւ միջանցքներից հավաքվել են ուղեգորգերը։
ԻԳԻԹՅԱՆԸ ԶԱՐՄԱՆՈՒՄ Է
Կարդացեք նաև
Ազգային ժողովի արտաքին հարաբերությունների հանձնաժողովի նախագահ Հովհաննես Իգիթյանն անդրադառնալով «Առավոտի» հարցին, թե ստո՞ւյգ են, արդյոք, Խոսրով Հարությունյանի՝ իրենից հրաժարական պահանջելու լուրերը եւ որո՞նք են դրա պատճառները՝ հայտնեց, թե չի կարող դրանք մեկնաբանել։ Նա նաեւ զարմանք հայտնեց լուրի՝ թերթում հայտնվելու կապակցությամբ, այդպես էլ չհստակեցնելով՝ լո՞ւրն է սխալ, թե՞ կա այլ շարժառիթ։
