Անցած տարվա ամռանն «Առավոտն» անընդհատ տագնապ էր հնչեցնում, որ հերթով պղնձագողերի ավար էին դառնում այս աղջկա ձեռքերն ու ոտքերը եւ, ի վերջո, արձանն ընդհանրապես անհետացավ պատվանդանից։ Այժմ արձանը վերականգնվել է, եւ հուսով ենք՝ վանդալիստների դեմն առնելու որեւէ միջոց կգտնվի։ Նաեւ հիշեցնենք, որ շարունակում է հոշոտված մնալ Չարենցավանի մերձակայքում գտնվող Երվանդ Քոչարի ստեղծագործությունը։
ՕՐԵՐ ԵՆ, ԿՄԹՆԵՆ, ԱՆՑ ԿԿԵՆԱՆ
ՀՅԴ Գերագույն ժողովի մասնակիցներից մեկը, որը չցանկացավ իր անունը հրապարակել, «Առավոտին» հայտնեց, որ դաշնակցական այդ ատյանի աշխատանքները կշարունակվեն եւս 4-5 օր։ Հիշեցնենք, որ ՀՅԴ Գերագույն ժողովը սկսվել է հուլիսի 10-ին։
ՈՉ ԹԵ ԿՈՆՅԱԿ, ԱՅԼ ՕՂԻ ԵՎ ԳԱՐԵՋՈՒՐ
Կարդացեք նաև
«Առավոտի» հարցին, թե ինչո՞ւ Հելսինկյան կոմիտեն Ռուբեն Թորոսյանի գլխավորած իրավապաշտպան կազմակերպության հետ նույն դիրքերում հանդես չի գալիս՝ կապված կոնյակի հարցի հետ, այդ կազմակերպության անդամ, փաստաբան Տիգրան Ջանոյանն ասաց, թե ինքը նախընտրում է օղին։ Կողքին գտնվող Ավետիք Իշխանյանն էլ, որը Հելսինկյան կոմիտեի նախագահն է, նշեց, որ ինքը գարեջուր է սիրում։
