«Օրինակ՝ ես։ Բացարձակապես մաքո՜ւր, սենց շիտա՜կ… Իմ օպոնենտները վերջում եկել էին, ինձնից շնորհակալություն էին հայտնում եւ շնորհավորում էին։ Ընտրվել եմ։ Ինչպե՞ս ես կարող եմ հաշտվել այդ գաղափարների կամ հարցադրումների հետ»,- ասաց Խոսրով Հարությունյանն այն հայտարարության առնչությամբ, թե ԱԺ-ի 95 տոկոսը հանցագործներ են։ «Երեւի Դուք մյուս 5 տոկոսի մեջ եք»,- հովհարը թափահարելով, պչրանքով տեղից նկատեց Ազգային ռադիոյի թղթակիցը։
ԱԺ նախագահի ասուլիսի մասին կարդացեք 5-րդ էջում:
ԱՆԱՊԱՑՈՒՑԵԼԻ
Իրազեկ աղբյուրներից տեղեկացանք, որ Գեղարքունիքի մարզպետ, ԱԺ պատգամավոր Ռուդիկ Ղուկասյանն իր կամ իր մերձավորների անուններով սեփականաշնորհված 47 տարբեր «օբյեկտներ» ունի։ Մարզպետը զգալի բաժնեմաս ունի Սեւանի ամենաեկամտաբեր հաստատություններում, ասենք՝ «Սպիտակ տուն» անվանյալ հյուրանոց-ռեստորանում, «Ֆլամինգո» լողափն է նշվում նաեւ իբրեւ նրա, Անահիտ Թարխանյանի եւ այլոց սեփականություն։
Կարդացեք նաև
ՈՐՏԵ՞Ղ Է ԽԵՂԿԱՏԱԿՈՒԹՅՈՒՆԸ
Արտգործնախարարությանը մոտ կանգնած աղբյուրներից տեղեկացանք, որ կոլեգիայի նիստերից մեկի ժամանակ նախարար Վարդան Օսկանյանը հայտարարել է, թե անցյալում նախարարությունում կատարված բոլոր ատեստացիաները խեղկատակություն են եղել։ Նույն աղբյուրը վկայում է, որ վերջին երեք տարիներին պրն Օսկանյանը եղել է ԱԳՆ ատեստացիոն հանձնաժողովի նախագահը, ու նրա ստորագրությամբ են վերադասին ներկայացվել հանձնաժողովի բոլոր առաջարկությունները։
