Ըստ որոշ շրջանակների, այն փուլում, երբ Բագրատ Ասատրյանը Կենտրոնական բանկի նախագահն էր, իսկ այժմյան ֆինանսների եւ էկոնոմիկայի նախարար Էդուարդ Սանդոյանը՝ Կենտրոնական բանկի փոխնախագահ կամ վարչության պետ, Հայաստանին արտոնյալ պայմաններով տրամադրված վարկից զգալի գումարներ են փոխանցվել այն մասնավոր բանկին, որը ղեկավարել է կամ այնտեղ կարեւոր աշխատակից է եղել Էդուարդ Սանդոյանի եղբայր Ռազմիկ Սանդոյանը։ Ըստ նույն աղբյուրների, այդ բանկի անունը պիտի որ լինի «Լիդեկ» (չշփոթել Մորգան Լիդիկի հետ)։
ԱՆՈՒՆ ԱՌ ԱՆՈՒՆ
Մի շարք զվարճասեր պատգամավորներից ստացած տեղեկությունների համաձայն, «Երկրապահ» պատգամավորական խումբն արդեն իսկ մշակել է ընտրական օրենսգրքի սեփական տարբերակը, որն ուղղակի ընտրվելիք 131 հոգու անվանացանկն է։
ՀԵՐՔՈՒՄՆԵՐԻ ՊԱՏՄՈՒԹՅՈՒՆԻՑ
Կարդացեք նաև
Մայիսի 25-ին «Արմենպրեսը» տարածել էր արդյունաբերության եւ առեւտրի նախարար Գառնիկ Նանագուլյանի հայտարարությունը, որտեղ մասնավորապես ասված էր. «Վերջերս հանրապետության մամուլում եղան հրապարակումներ մի շարք պետական ձեռնարկությունների՝ միջազգային մրցույթով սեփականաշնորհման վերաբերյալ, որտեղ նշվել էին նաեւ գործարքների գները: Հրապարակումներում նշված գները չեն համապատասխանում իրականությանը»։ Նշենք, որ խոսքը մասնավորապես կոնյակի գործարանը 30 մլն դոլարով վաճառելու լուրի արտահոսքի մասին էր։
