ՀՀՇ վարչության փոխնախագահ Անդրանիկ Հովակիմյանը հերքեց այն լուրերը, թե Վանո Սիրադեղյանի նախաձեռնությամբ ստորագրություններ են հավաքվում կոնյակի գործարանի հարցը Սահմանադրական դատարանում լսումների թեմա դարձնելու ուղղությամբ։ Նույնը վերաբերում է նաեւ գինու գործարանին։ Հովակիմյանը միանշանակ ասաց, թե Վանոյի մասնակցությամբ ու նախաձեռնությամբ որեւէ ստորագրություն չի հավաքվում։
ՊԱՏՎԱՎՈՐ ԳՅՈՒՂԱՑԻ
Մոտ օրերս Ծաղկաձոր գյուղի պատվավոր քաղաքացի կոչմանը կարժանանա «Արարատ-Լադա» ձեռնարկության տնօրեն, ԱԺ պատգամավոր Անդրանիկ Մանուկյանը։ Ասենք նաեւ, որ նա արդեն պատվավոր քաղաքացու կոչման է արժանացել եւս երկու գյուղից՝ Լեռնանիստից եւ Արզաքանից։ Այս բոլոր բնակավայրերն էլ գտնվում են այն ընտրատարածքում, որտեղից պատգամավոր է դարձել Անդրանիկ Մանուկյանը։ Իսկ շնորհումները տեղի են ունեցել նախագահական ընտրություններից հետո։
ՏՈՒՆ ԳՆԱՑՈՂ ԵՎ ՉՓԱՅԼՈՂ ՆԱԽԱՐԱՐՆԵՐ
Կարդացեք նաև
Կիրակի օրը Հայաստանի ազգային հեռուստատեսությամբ տեսագրվեց «Հրապարակ» հաղորդումը, որի նկարահանումից առաջ դիմահարդարը մոտեցավ շպարելու ՀՀ ֆինանսների նախարար Էդ. Սանդոյանին։ Վերջինս հուսահատ բացականչեց. «Էս ի՜նչ եք անում, վերջում տուն եմ գնալու, ախր վրայիցս հոտ է գալու»։
Իսկ երբ դիմահարդարը ՀՀ տարածքային կառավարման նախարարին առաջարկեց շպարել փայլող ճակատը, պարոն Զադոյանը նշեց. «Իմ կարծիքով ես վաղուց փայլուն որեւէ բան չունեմ»։
