Հայտնում ենք, որ Ձեր թերթի հունիսի 11-ի համարում «Սկանդալ» խորագրի տակ տեղ գտած տեղեկատվությանը, թե իբր. «… վարչապետ Արմեն Դարբինյանի եղբորը ձերբակալել է ռուսական դաշնային անվտանգության ծառայությունը», բացարձակ կեղծիք է, որը, մեղմ ասած, չի համապատասխանում իրականությանը։
3 ԺԱՄՈՒՄ՝ 63 ՀԱԶԱՐ ՍՏՈՐԱԳՐՈՒԹՅՈՒՆ
Նախ Լեոնիդ Հակոբյանը հայտարարեց, թե Կոնյակի գործարանի վաճառքի դեմ բողոքի տակ 137 հազար ստորագրություն է հավաքվել։ Երկու ժամ անց Խորեն Սարգսյանն ասաց, թե այդ թիվը հասել է 142 հազարի, իսկ արդեն կոմկուսի խմբակցության անունից ելույթ ունենալով՝ Լեոնիդ Հակոբյանը հայտարարեց, թե ստորագրությունների թիվն անցել է 200 հազարից։
ՀԱՐԵՎԱՆՆԵՐՈ՞Վ ԵՆ ԵԿԵԼ ԻՇԽԱՆՈՒԹՅԱՆ
Կարդացեք նաև
Աղբյուր Սերոբի փողոցում գտնվող ժողինստիտուտի կոոպերատիվի շենքում Եղվարդի ոստիկանապետի, շուրջ 40 պրոֆեսորների եւ դոցենտների հետ միասին բնակվում են նախարարներ Էդուարդ Սանդոյանը, Վահրամ Ավանեսյանը, Գագիկ Եգանյանը, փոխնախարար Ռոբերտ Ամիրյանը, ԱԺ հանձնաժողովի նախագահ Արմեն Եղիազարյանը (նախկինում՝ նախարար) եւ «Արարատ-Լադա» ընկերության ղեկավար Անդրանիկ Մանուկյանը։ Այդ շենքից մի քիչ վերեւ են բնակվում Դավիթ Զադոյանն ու Հենրիկ Քոչինյանը, ու նաեւ՝ Խաչիկ Ստամբոլցյանը, որին, իշխանական այս տարածքի մակարդակը չգցելու համար, անպայման հարկավոր է կառավարությունում պաշտոն տալ։
