Հավաստի աղբյուրներից ստացված տեղեկության համաձայն, ԱԺ պատգամավոր Նվեր Չախոյանը երեկ «հրավիրվել» է ՆԳ եւ ԱԱ կազմակերպված հանցավորության դեմ պայքարի 6-րդ վարչություն։ Պրն Չախոյանն ինքն էլ նախկինում այդ համակարգում է աշխատել իբրեւ ՆԳՆ քրեական հետախուզության բաժնի վարիչ։ Իսկ այժմ, մամուլում հրապարակված տեղեկությունների համաձայն, 3 տարբեր անձինք նրան հրապարակավ մեղադրում են դրամաշորթության (ռեկետի) մեջ։ Ասում են նաեւ, իբր «նալոգը» չտալու համար նա վերցրել է Կուզնեցովի փողոցի վրա գտնվող «Երեւան» ոսկու տոնավաճառի շինությունը եւ մինչեւ այժմ տերերին նույնիսկ մոտ չի թողնում։
ԴԻՎԱՆԱԳԵՏԸ «ԳՑԵՑ» ԻՐ ԳՈՐԾԸՆԿԵՐՆԵՐԻՆ ԵՎ ՈՒԶՈՒՄ Է ՄԵԿՆԵԼ ԻՍՐԱՅԵԼ
Արտգործնախարարության Մերձավոր եւ Միջին Արեւելքի դեպարտամենտի աշխատակից Միքայել Մալոյանը, որը մինչեւ անցած չորեքշաբթի զբաղեցնում էր ԱԳՆ քարտուղարության պետի պաշտոնը, այժմ գտնվում է Թբիլիսիում՝ Իսրայելի դեսպանատանը եւ ցանկանում է մեկնել իր նախնիների երկիրը։ Պրն Մալոյանը մոր կողմից հրեա է, իսկ նրա հայրը, որն, ի դեպ, ՊԱԿ-ի գեներալ է, այժմ ապրում է ԱՄՆ-ում։ Ըստ «Առավոտին» հասած լուրերի, պրն Մալոյանը գումարներ էր հավաքում ԱԳՆ-ի աշխատակիցներից (մինչեւ 5-6 հազար դոլար) հավաստիացնելով, թե մասնակցում է պետական խոշոր պատվեր կատարող գործարանի բիզնեսին եւ կարող է հավաքած գումարներից ապահովել 10 տոկոսանոց եկամուտ։
ԳՆԱՀԱՏԱՆՔ
Կարդացեք նաև
«Պեռնո Ռիկար» ֆրանսիական ընկերության ներկայացուցիչները պաշտոնապես խնդրել են Երեւանի կոնյակի գործարանի ներկայիս գործադիր տնօրեն Ալբերտ Հերոյանին շարունակել պաշտոնավարումը։
