Արտգործնախարարության Մերձավոր եւ Միջին Արեւելքի դեպարտամենտի աշխատակից Միքայել Մալոյանը, որը մինչեւ անցած չորեքշաբթի զբաղեցնում էր ԱԳՆ քարտուղարության պետի պաշտոնը, այժմ գտնվում է Թբիլիսիում՝ Իսրայելի դեսպանատանը եւ ցանկանում է մեկնել իր նախնիների երկիրը։ Պարոն Մալոյանը մոր կողմից հրեա է, իսկ նրա հայրը, որն, ի դեպ, ՊԱԿ-ի գեներալ է, այժմ ապրում է ԱՄՆ-ում։
Ըստ «Առավոտին» հասած լուրերի՝ պարոն Մալոյանը գումարներ էր հավաքում ԱԳՆ-ի աշխատակիցներից (մինչեւ 5-6 հազար դոլար)՝ հավաստիացնելով, թե մասնակցում է պետական խոշոր պատվեր կատարող գործարանի բիզնեսին եւ կարող է հավաքած գումարներից ապահովել 10 տոկոսանոց եկամուտ։
