«Ինձ որեւէ պաշտոն չի առաջարկվել»։
ԱՂՎԱՆ ՎԱՐԴԱՆՅԱՆ
Ռոբերտ Քոչարյանի նախընտրական շտաբի ԶԼՄ-ների գծով աշխատանքների պատասխանատու,
«Երեւան» տեղեկատվական կենտրոնի տնօրեն,
Կարդացեք նաև
ՀՅԴ անդամ, ՀԼԿԵՄ կենտկոմի մրցանակակիր,
բանաստեղծ «Իրավունք», թիվ 22
Աղվան Վարդանյանը չի դժգոհում, չի բողոքում, ուրիշների նման ջանք չի թափում ուշադրություն գրավել, ինչպես ասում են՝ ոտքի տակ չի ընկնում։ Առհասարակ իրեն շատ արժանապատիվ է պահում։ Եվ՝ խնդրեմ. արդյունքն ակնառու է։ Նրան պաշտոն չեն տալիս։ Ի տարբերություն շատ-շատերի, որոնք նրա ճկույթն իսկ չարժեն։ Հարց է ծագում. ո՞ւր է նայում կառավարությունը։ Որքա՞ն կարելի է հանդուրժել այս վիճակը։ Մի՞թե կարգին մարդիկ միշտ պիտի ձեռնունայն մնան: Հիասթափեցնող է։ Պարզապես՝ խայտառակություն։
ՀԱՆՎԵ՞Լ, ԹԵ՞ ՉՀԱՆՎԵԼ. ԱՅՍ Է ԽՆԴԻՐԸ
«Բլեյանը պահանջում է խաղաղ գոյակցություն հաստատել Թուրքիայի եւ Ադրբեջանի հետ՝ հրաժարվելով Լեռնային Ղարաբաղից, Հայոց պատմական հայրենիքից… Աշոտ Բլեյանը հանված է, սակայն պրոբլեմը մնում է»։
ԼԵՆԴՐՈՒՇ ԽՈՒՐՇՈՒԴՅԱՆ
Ակադեմիկոս, «Հայոց աշխարհ», 26 մայիսի
… Եթե Թուրքիան եւ Ադրբեջանը եւս հանվեն՝ պրոբլեմն ինքնաբերաբար կլուծվի։
ՎԱՍԱԿ ԴԱՐԲԻՆՅԱՆ
