Երեկ սեպտեմբերի 20-ն էր՝ Հատուկ գնդի հինգերորդ տարեդարձը։ Այս կարեւոր իրադարձությանը ներկա էին Հայաստանի պաշտպանության եւ ազգային անվտանգության նախարարները, ՆԳ փոխնախարարը, պաշտոնատար անձինք, նախկինում կամավորականներ, զինվորներ։ Հատուկ գունդը ստեղծվեց 1990-ին Հայաստանի ՆԳ համակարգի ներքո՝ այլ կերպ հնարավոր չէր, Խորհրդային Միություն էր, ու թեեւ ազգերը ելել էին կռվի՝ դեմ հանդիման, բանակը, խորհրդային բանակը բոլորինս էր։
1992-ի հուլիսին, երբ աոաջին անգամ Ղարաբաղ էի գնում, Լաչին չհասած՝ զինվորական համազգեստով երկու երիտասարդ նստեցին մեր «Ռաֆը»։ «Որտեղի՞ց եք, երեխեք»,- հարցրի նրանց։ «Հատուկ գնդից ենք, էն Լեւոնն ասել էր, թե հայոց բանակի կորիզն է… այ էդ գնդից ենք»։ «Բանակ, բա ոնց չէ… էս քանի օրը ի՞նչ ես կերել… երեկ թուրքի ակոպում տեսար ինչ կար… մեր «Ախթամարը» տեսա՞ր։ Այ, բանակը նրանք են… Մենք ի՞նչ բանակ»…
Ձեռքիս կոնֆետ կար՝ տվեցի մեր «բանակին», իջան, գնացին։
Այսօր Հայաստանի պաշտպանության նախարար Վազգեն Սարգսյանը Հատուկ գնդին հանձնեց Մարտական դրոշ՝ ի նշան գնդի տարած բազում հաղթանակների՝ վասն Հայրենիքի ու հայ ժողովրդի
Կարդացեք նաև
Այսօր՝ սեպտեմբերի 21-ն է…
Ա. Բ.
